54
ka tasè', èkolèlèngè lon-alon, rebbhăna èparas èpapanda', èṭak-kotak èpasangè boen-taboenan sarta ètamennè bhăng-kembhăngan ana-bărna. Men tamennan sè èkorongè katja ta' katjator bănnja'na, ijă arèja sè ta' tahan ḍă' hǎwǎ tjellep.
Dhăk-ondhăk bản panèrat radjăna chălem djărèja èamparè baboet kandhel sarta larang arghăna, molana èdjăḍijă taḍă' ghǎreddjhegghǎ soko èkaèding. Sèpat paddhoe tjelkonganna gheddhoeng èpasangè pettètan palem radjă (bhăngsana saḍing), dǎoenna sè ènga' keppet nopoè katjana tjanḍilă sè mantja bărna. Sonarra arè è kamar ra'-tèra' orem sè lèbăt è tjanḍilă bhoeroe.
Ka'-bhoengka'an robăna konèng mara emmas ètjapo' sonarra arè sè para' tjompetta. È antara oen-dãoenan sè ngabhiroe, bănnja' kembhăng mawarra sè mèra towa. Tjahjana arè sè soropamara sè èntar akatja dă' tjanḍilăna dhǎlem, è băkto djărèjadhălem patjangkrama'an Pelampelasnih mara karatonna bidhăd dhări sè katjarèta neng è dhoengèng. Ta' abit polè Dhin adjoe Rato sapangèrèngnga raboe.
Nangèng Geloemdalkelit băn Gulliver padă tjè' lessona, sè èkakareppè taḍă' laèn tjoma terro tèḍoenga bhăi, ella ta ' mardoeli sakalè dǎ' kabhǎghoesanna alam. Dări kasona sè adjhălăn, Geloemdalkelit kalagghoeǎnnna gherring kangsè ta' ngennèng djhăghă. Gulliver ella bărǎs băn dhoeghǎghes polè. Abă'na njo❜on èdhi nèngghoed kebbhoenna dhălem pasangghrăăn sè perna djărèja, ijǎ kalèllan. Bădă sèttong abdhi dă-ngoḍă, bi' Dhin adjoe Rato èpakon adjăgă Gulliver. Abdhi djărèja sè masțè ngèbă bengkona Gulliver, èpakon sabă' è pèngghir sèrèng sopadja kaangènana dări tjo-mattjo dă' abdhi djărèja, sopadjă tè-ngatè tasè'. Geloemdalkelit ngastètèa băn sè araksa mongmonganna.
Sanjatana abdhi bhoeroe ta' senneng èpassraè lalakon djărèja. Bengkona Gulliver ètèng-tèngtèng, èghibă adjhălăn ngalèbădhi pata satengnga eddjhăm, ladjhoe èsabă' èattassa băto kebbhoen è pèngghir sèrèng.
Gulliver doeng-tèdoengan neng è tèker radjhoeddhă. Abă'na nga băs dǎ' tasè' sè ta' pabăngennan radjăna, sambi atèna tjè' ennessa. Pangèrana Gulliver doe datengnga dări dimma partolongan dă' abǎ'na , kadjhăbhă dări tasè' djărèja. Pèkkèranna Gulliver agălădjăr dǎ' naghără paḍoempa'anna dărăna. Ètjapo' panassa arè băn angèn tasè', Gulliver ladjhoe tatèḍoeng.
Bhǎreng abdhi ghella' tao, djhă' Gulliver tèḍoeng, tjanḍilă băn labăngnga bengkona ladjhoe èèntep on-laonan. Serrèna èkèra djhǎ' ta' kèra băḍă bhabhădjă pa-apa, abdhi ghella' ladjhoe njèngghǎ dări kennengnganna Gulliver, èntar ka seddhi'na mo'-ghoemo' băto, njarè tellorra mano', polè kerrang băn kèdjhing.
Ta' abit Gulliver takerdjhăt, marghǎ èkarassa lăng ghellăng sè neng è totoppa bengkona mara sè bădă njendhal. Pangarana
