djǎḍija sè nè'-kènè'an ghi' aradjǎ'ǎn talèbǎt bǎn Gulliver, dhǎddhi panemmona podjhǎngghǎ sè kapèng tello' djǎrèja ta' èangghep dhi panemmona, tor èpadhoei tjè' dhǎddhina. Bhǎreng sè apadhoe rebbhoe' bhenḍer ella semmo abit, ladjhoe paḍǎ nepteppaghi djhǎ' Gulliver padjhǎt mahlok sè njèmpang ḍǎri gher- ogher wètta koddrǎt sè kappra. Gulliver ella ta' dhǎlǎtèn ngèḍing katerrangan mara djǎrèja, molana ladjhoe mator ḍǎ' Sang Rato kalaban temmen-temmen, djhǎ' abǎ'na asalla ḍǎri sèttong naghǎrǎ kerta ghemma, orèngnga adjoetaan, radjǎna bǎn matjemma paḍǎ bǎn abǎ'na djǎrèja, bǎḍǎ koṭṭa bǎn sa-dhisana. Radjǎna ko-bengko, ka'-bhoengka'an bǎn kèbǎnna satèmbhǎng bǎn radjǎna orèngnga, ta' abhidhǎ moso è naghǎrǎna raksasa djǎḍijǎ. Rèng-orèngnga padǎ alako neng-è sabǎ, alas, ngalè bhǎrǎng ghǎliǎn, aladjárǎn, taḍǎ' bhidhǎna moso orèng èdjǎḍijǎ. Dhinèng panemmona podjhǎngghǎ sè katello djǎrèja, endjǎ' ta' sakèng njalèa kapènterranna, bi' Gulliver èkotja' tjè' kalèrona.
Bhareng ngèḍing otja'na Gulliver bǎrijǎ djǎrèja , podjhǎngghǎ sè katello paḍǎ mèsem semmo bi - njebbi . Nangèng tja'na pangghǎliǎnna Sang Rato, ollè dhǎddhi kandhana Gulliver djǎrèja ta' sala . Sang Rato ladjhoe nèmbhǎli raksasa tanè sè nemmo Gulliver, sopadjǎ akanḍhǎ'ǎ bǎrǎmma bilǎn abǎ'na sè pas nemmo Gulliver. Sadatengnga raksasa tanè , pas nerrangngaghi ḍǎri kabidhǎn kangsèdǎ' bekkasan bǎb sè nemmo Gulliver. Sang Rato ladjhoe apartjadjǎ’ǎn dǎ' atorra Gulliver, ètèmbhǎng bi' katerranganna ghǎ-podjhǎngghǎ djǎrèja. Sang Rato ladjhoe aparèng èdhi da ' Dhin adjoe Rato sè maennengnga Gulliver è karaton . Gulliver èghǎbǎjjaghi sèttong kamar èseddhi'na kamarra Dhin adjoe . Dhinèng sè èpakon araksa Geloemdal kelit sè ta' dǎ - mandǎ kamengnga'anna nangalè adhina rarengghǎ'ǎnna bǎn kabhaghoesanna èḍalem karaton djǎrèja .
Dhin adjoe Rato makon da ' sèttong tokang sè tjè ' pènterra, aghǎbǎj sèttong matjem eddoes mènangka kamar katèḍoenganna Gulliver . Eddoes djǎrèja èkaghǎbǎj dǎri kadjoe sè alos , èepplat bessè , èpasangè djǎnḍilǎ peltasan , labǎng bǎn kamar èrèng dǎdoewǎ', sè sèttong mènangka kamar mandi , sè laèn kennengngan padhǎndhǎnan . Sè mènangka ghabhägghǎ ijǎ arèja totoppa eddoes bhoeroe . Totop djǎrèja èkennèng boekkal poboe . Abdhi tokang baboet èpakon kateḍoengan , kasor bǎn bhǎntalla sakalè kabbhi dǎri aghǎbǎj sottra; korsè , mèdjǎ bǎn koe - bǎngkoe èkaghǎbǎj dǎri ghǎḍḍhing, epatjekka’ka mobin kalabǎn sekkroep , sopadja mon èangka tabingnga kamar bǎn bengkona , sè ta ' robbhoeǎ . Sabǎlǎttrana etalpèè kaèn sè khǎghoes , bǎnglabǎng bắn tjandilǎng djǎrèja èpasangè sosè sè sekken . Totoppa eḍdoes djǎrèja èkennèng sosè kèja , sarta èpasangè lǎng - ghellång salaka radjǎ ; dhǎddhi bengkona Gulliver djareja atjora' korong sè kennèng èghǎntong. Bǎrijǎ kèja serrèna angghoejjǎ Gulliver ella ta ' patot mongghoe dǎ ' orèng
