BAGIAN II.
Gulliver alalana neng è naghără raksasa.
BHAB I.
Gulliver tèbha ka Brobdingnah.
Kapten Nikolaas sè asaddjhă ngolèlèngana bhoemè, ella rateng è kapalla sè anjama Avonturier. Gulliver noro' neng dhăddhi dokter. Pangaterrona sè alalana'a ngèdherrǎna enneng édjǎdijă kareppa sẽ terro nèngghoeăn ră-naghără bản rèng orèng mataremtem atèna Gulliver; djărèja sè ngatak abǎ'na adhina bengkona, ngaḍă'i bhăbhădjă băn kasangsaraʼan radjă polè.
Kateppa'an è naghără Inggris mosèm ngadheppaghi tjellep. Oen-dǎoenan arobă mantja barna, bhinar kennèng sonarra arè, djărèja sẽ ngèjase alas, aèboeăn khăngkembhăngan è mosèm ra-ara băn bhoen-kebbhoen, da'-endă'ă mosèm sè ondhoeră naboer om-ro'om ghǎlloe, mènangka tanḍhăna apaamètan ḍă' rèng orèng sè paḍă ngennengngè tana djăḍijă, sarta dă' sè băḍă neng è Avonturier sè adhina'aghiă naghără Inggris, ngèterrana djhăghǎt.
Pamangkatta dări palabbhoeăn padjhălănna Avonturier kabhet băn njangsara, nangèng kaboedina kaètong salamet, napa' ka lao'na Afrika, abhiloek, lèbăt è sellat Madagascar. Èdjăḍijă napa' dǎ' kennengngan sè bhabhădjă. Ţă'-aḍă'na angènna tjeddhoe băn anteng, băng-abăngnga sèrḍăng, nangèng ladjhoe segghoet angèn tjeddhoe djǎrèja ngerdjhăt aobă dhăddhi salèboeng sè ambhă bhǎdjǎnè. Orèng paladjărăn ella padă tao, djhǎ ' èdjăḍijă segghoet pal-kapal sè ghoes-bhǎgoes moso èssèna kabbhi èles-poles ombǎ', èghoeloeng èghibă dă' dhǎsarra tasè'.
Bărijă kèja kabădă ǎnna Avonturier. Angèn tjeddhoe salan djhăngnga arè băn satengnga malem. Tang- bintang ḍhăp- kareddhǎbhăn neng è langngè', masè ngabàs da' băbă sambi mèsem dǎ' èssèna kapal Avonturier. Rèng- orèng neng è Avonturier taḍă' sè ngèra'a, djha' bhakal datengnga katjalaka'an.
E malem djărèja sè kabhenḍerrån adjăgă serrang. Abă'na tjar-kantjèr li-băliăn neng è kanganna kapal. Taḍă ' sowara èkaèding, kabbhi katon neng-enneng, taremtem, ta' aghoelian apa sè bădă è kapal, angèn ta' ngalesser bhălăkka', sè èkaèding tjoma kasa'na ombǎ' war-sowaran è kangan katjèrra kapal. Serrang adjhălăn nondoe' tjar-kantjèr sambi kèr-pèkkèran. Tèndhăgghå tok -tjeṭṭokan è papanna kapal, pèkkèrra băḍă è tana Inggris.
