èkarènaè, bărămma bhoeta tèḍoeng djărèja sè èkennènga ghibă ḍă' koṭṭa. Rèng-orèng ladjhoe ngala' gălinḍing sè radjă, ijă arèja pangangko'anna kadjoe sè djhăng-landjhăng băn djă-radjă ḍări alas ka fabbrigghǎ parao. Gălinding djărèja landjhăngnga doewă mèter, lèbărră samètèr, ling-ghilingnga doelèkor paḍă djǎ-radjă sarta ko-koko.
Sanapa'na ḍǎ' kennengnganna Gulliver sè tèḍoeng, gălinḍing djărèja èsabǎ' adjhădjhăr băn bhoeta djărèja. Lèma ratos Insinjor (Ingenieur) sè tèr-pènter băn li-koli paghălăngan masang tang-kèrèjan [1] băn talè sè kowat, Gulliver èkèrèk èpaongghǎ ḍǎ'
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Ètas gǎlinḍing Gulliver ijă ètalè'è tjè' sekenna, èbǎt-karabǎt.......
gǎlinḍing. Ètas gǎlinḍing Gulliver ijǎ ètalè'è tjè' sekenna èbǎt-karabǎt akanṭa ghi' neng-è bhǎ-rèbbhǎ ghellǎ', ladjhoe ètarèk djhǎrǎn sèboe lèma ratos lèbǎt è tana rata kangsè napa' ḍǎ' koṭṭa karadjhǎ'ǎn.
Aèboeǎn orèng Lillipoet sè adjhǎlǎn èseddhi'na gǎlinḍing drǎrèja. Bilă gălinḍingnga amboe marghǎ tatjellet ladjhoe padă nolongè njotok sopadjă adjhălăna polè. Sèpat orèng paḍă akanḍhă băn ngadjhoeaghi djhă' Sang Rato nemmo bhoeta, saddjhegghǎ neng-è Lillipoet ta' tao bǎḍǎ orèng sè mara djărèja radjăna, tja'-otja'anna orèng: ,,Sadjhăng-landjhăngana talè, ghi' alandjhăngan tjolo'," sekeddjhǎ' bhăi kabăr djărèja ella bărǎtta saantèrona naghără.
Neng ètengnga'anna djhălăn băḍă sèttong Luitenant (Lè'nan) ghi' ngoḍã bắn lotjo, ongghă ka bhādhănna Gulliver, lăn-djhălănan neng-è lè'èr băn mowana, abhăliser lobăngnga èlongnga bhoeta băn peḍḍhăngnga, ma'loem lè'nan ghi' tjè' ngoḍăna, talèbăt băangal korang ghă-dhoeghăna.
Gulliver ngèḍing marghă ḍări ghǎlijă' sarta tao djhă' nalèka djǎrèja pettengnga tjalèmotan sarta bhădhănna èboewǎ' nèng-è gălinḍing. È kangan katjèrra gălinḍing băḍă sardăḍoena lèma ratos èbăng sè adjăgă Gulliver; sè saparo ngèbă obhoer, saparona asèkep ghănḍhibă băn pana sè la asanat mana'a lă'-bilă'ă bhăi,
- ↑ takal (kèrèken)
