bhâlâna kabbhi. Tja'na Gulliver lă-bhălăna djărèja paḍă aengghoen è Gelderland. Ngèḍing otja'na Gulliver kaptèn van Grult jăkin ḍălem atèna, djhă' Gulliver djărèja bhăngsana dhibi'.
Gulliver ladjhoe arèngkessè per-koperra terros èpaongghă ḍă' kapal. Bhăndhăr sè ngater kongsè napa' ka kapal. Saellana apaamètan Gulliver ladjhoe mangkat, kapal Amboina ambăbbăr ladjăr ngongkorraghi Nagasaki.
Kabhenḍerrăn angènna njaman, Amboina aladjăr ngolèlèngè tana djăzira Malaka terros lèbăt è sellat Malaka. Sanaddjhăn sellat djărèja bănnja' bhădjhagghâ se aghăbăj korang amanna laladjărăn, nangèng slamet taḍâ' pa apa. Saterrossa ḍăpa' da' Kaap de Goede Hoop ta' nemmo alangan sèttong apa. Èdjăḍijă kaptèn van Grult alabbhoe ngala' aèng ènom băn sango, sarta mateppa' karosakanna kapalla. Gulliver neng-enneng è kapal bhăi ta' enḍă' toron ka ḍhărat.
Nalèka tangghăl 10 April 1710 kapal Amboina ella ḍăpa' salamet ḍă' Amsterdam. È lăn-djhălăn bâḍâ mattroes katello sè matè marghă sakè', sèttong laboe ḍări tèjang aghoeng.
Serrèna la napa' ḍă' Amsterdam, dhăddhi Gulliver pas amboe sè dhăddhi ḍokter kapal. Abă'na apaamètan ḍă' kaptèn van Grult pas ongghă tèngghăngan. Kaptèn djărèja è bhătèn tjè' ngormatta ḍă' Gulliver saabiddhă aladjâr, amarghă njata kaota-ma'anna atèna .
Antara pan-bărămpan arè băḍă è Amsterdam, Gulliver pas mangkat ḍă' Inggris.
È băkto malem tangghăl 16 April kapalla pas maso' ka palabbhoeăn, kalagghoeănna, ijă arèja saellana alolongan lèma ennem boelăn abiddhă. Gulliver nèddha' tana paḍoempa'anna ḍărăna polè.
Gulliver ladjhoe mangkat ḍă' Redrif, napa' è arè djărèja kèja. Ana ' binèna băn lă-bhălăna ta' djhăma' bhoengana. Abă'na dhibi' ijă pèrak talèbăt, sabăb kabbhi ètemmo paḍă bărăs salamet.
Bhăreng kabhoenga'anna margha sè ella paḍă tatemmo polè djărèja la kapongkor, Gulliver pas atjarèta ḍă' ana' binèna apa sè ella ètemmo è lăn-djhălăn; sakabbhiănna katjalaka'anna băn kamoldjă'ănna , băn bărămma abă’na sè pas ngennèng molè ka naghărăna, terros salamet napa' ḍă' bengkona băn atemmo so ana' binèna, kabbhi djărèja èdhoengngèngngaghi.
