Luacra. Iar corrchnoc na Feine rea n-abarthar Cruachan Adhrann do bhi se in oidhche sin ⁊ [fo. 2 a. i.] se ina chodlad ann ⁊ is e do muscail he sceamghal na sciath ag a scoltadh ⁊ comthuarcain na cloidhim ⁊ comhcomairt na craiseach ag 95 cirrbad curp na firlaech ⁊ gairthi na m-ban ⁊ na macamh, na con ⁊ na n-each fan comlasair ⁊ do erig Conncrithir fo na gairthibh sin ⁊ as eadh adubert: ‘Mor na gnimha dorinnedh trim anocht,’ ar se ‘⁊ mairg mathair dorad m'idhna d'eís an chodalta sa dorinnus ⁊ gidh edh ní ḟaicfe Finn naid fiana Eirenn misi beo da eisi ⁊ rachad ar lar na n-allmurach indas co tuiti dream eigin dibh liumno no co 100 tuiter-sa leo-san.’
Do cheangail a curp ina chatheidedh catha ⁊ do lig na chailgi reatha rinnluaitbi a n-diaidh na n-allmurrthach ⁊ ni fada dochuaidh in uair do connairc triar ban roime 'sa slige ⁊ armghaisceadh laich ag gach mnai dibh ⁊ do reath-san orro ⁊ ni ruc orrtha ⁊ tuc a lamh fon sleigh da teilghin. ‘An, a oglaich,’ ar bean dibh ‘uair 105 ata agad eolus ina cora duit harm do deargadh na oruinne ⁊ sinn mar mnaibh.’ ‘Cia sibh-si fein?’ ar Conncrithir. ‘Tri hingena Teirg mic Dolair o traigh mara Tibhir anoir sinne,’ ar siad ‘⁊ tucamar ar triur gradh ecmaisi duit-si ⁊ ni fuathaide le neach againn a cheili e ⁊ tangamar do tabairt chabhartha duit, uair do bhi a ḟis againn gumadh tu-sa cédduine do ṡoisfedh d' fianaibh Eirenn docum na n-allmurtach.’110 ‘Caidhi bhar cobair-si dam-sa?’ ar Conncrithir. ‘Budh maith ar cabair-ne
