तिसरे पंचवर्सुकी येवजणेचो खर्च आनी गुंतवणूक (कोटींनी).
तीन वर्सुकी येवजणो : १९६५ त भारत-पाकिस्तान झूज, १९६५-६६ अशीं दोन वर्सा सलग दुश्काळ, चलनाचें अवमुल्यन, भाववाड, हांकां लागून चवथी वर्सुकी येवजण फुडें गेली आनी ६६-६७, ६७-६८ आनी ६८-६९ अशो तीन मदेवर्ती येवजणो करच्यो पडल्यो.
चवथी पंचवर्सुकी येवजण (१९७०-१९७४) – चवथे वर्सुकी येवजणेचीं मुखेल उद्दिश्टां –
१) सवस्तकाय आनी स्वावलंबन सादपी अशी अर्थ वेवस्था. २) शेतकी उत्पादन वाडोवपी शिंपणावळीचो विकास. ३) फुडाकार तंत्रीक उदरगत सादपी उद्देगीक विकास आनी उद्देगीक विंक्रदीकरण. ४) प्रदेशीक ल्हान प्रमाणांतल्या उत्पादकांक पालव दिवप. ५) रोजगाराच्यो संदी चड प्रमाणांतल्या उपलब्द करप. ६) पंचायत राज्य संस्थांचे समाजीक, अर्थीक आनी राजकीय विंकेंद्रीकरण करप.
चवथे पंचवर्सुकी येवजणेची सरकारी खर्चाची आंकडेवारी (कोटींनी).
पांचवी पंचवर्सुकी येवजण (१९७४-७९) –
(१) दळडीर रेशे सकयल्या लोकांचे गरजेच्या वापराचें प्रमाण वयर काडप आनी वट्ट स्वावलंबन हाडप. (२) चलनवाडीक आळाबंद हाडून अर्थीक परिस्थीतींत थिराय हाडप. (३) राश्ट्रीय उत्पादनांत वर्सुकी ५.५ प्रतिशत वाड. पांचवे वर्सुकी येवजणेच्या काळांत घोळटी येवजण हें येवजणेचें नवें तंत्र आपणावप जालें. हे येवजणेच्या नव्या तंत्राप्रमाण एक खणी पांच वर्सुकी काळखंडाची येवजण करिनासतना दर वर्सा फुडल्या पांच वर्साखातीर येवजण करप. ह्या नव्या तंत्राप्रमाण येवजणचे वर्सुकी जमाखर्चाचो अदमास मेळटा आशिल्लया कारणान काळाप्रमाण गरजेचे अशें बदल आनी तडजोडी करप सोपें जावंक लागलें.
पांचवे पंचवर्सुकी येवजणेचो सरकारी खर्च (कोटींनी)
सवी पांच वर्सुकी येवजण (१९८०-८५) – फाटल्या २० वर्साच्या काळांतल्या येवजणांचे फलीत मतींत दवरून सवे येवजणेची आंखणी करप जालें. हे येवजणांची मुखेल उद्दिश्टां अशीं –
१) गरिबी ना करप.
२) शेतकी उद्देग तशें हेर उद्देग सुविधा निर्माण करप आनी निर्यातींत भर घालप.
३) सगळ्याच आस्थापनांतल्या लोकांचो सहभाग आनी कार्यक्षमताय कशी वाडटली हाचो विचार करप.
४) लोकसंख्येक आळाबंद हाडप.
