Page:Konkani Viswakosh Vol1.pdf/721

From Wikisource
Jump to navigation Jump to search
This page has not been proofread.


देवूळ आसा, ताका लागून ह्या शाराचें नांव चंडीगढव हें पडलें.

चंडीगढ ही पंजाबाची राजधानी म्हूण वेंचून काडटकच ह्या शाराची वेगळे तरेची मांडावळ करची पडली.पंडीत नेहरूंचे सुचोवणेनुसार फ्रेंच वास्तूशिल्पज्ञ ल् कॉर्व्यझ्ये हाणें चंजीगढची नगर रचना केली. भारतांतली आधुनीक काळांतली बऱ्या बरी देक घेवपासारकी ही नगररचणूक जावन आसा. ह्या नगराचो वट्ट वाठार ११४.०० चौ. किमी. ‍‍‍‍‌‍‌(१९८९). हांगाची लोकसंख्या ४,५०,०६९ (१९८९) आसा. हे नगररचणुकेंत मळब, जमीन, झाडां ह्या सैमीक गजाली वांगडाच लोखण, शिमीट सारक्या वस्तूंचो उपेग करून दोनूय गजालींचो एकचार तसो विरोधाभास साधून घेतला, हे रचनेचें हें खाशेलपण जावन आसा.

हांगा व्हड रस्ते, रस्त्याचे उपेग दाखोवपी वेगवेगळे विभाग, वाहनांखातीर आनी पादचाऱ्यांखातीर आशिल्ले वेगवेगळे रस्ते अश्यो जायत्यो तरा पळोवंक मेळटात. रस्त्यांचे एके वटेन राजकी आनी दुसरे वटेन सार्वजनीक वास्तू आसात. दोनूय वटेन झाडां लायिल्ल्या ह्या व्हड अक्षीय रस्त्याच्या एका तोंकांक उक्तीं मळां, खेळामळां आनी बागो आसात, जाल्यार दिसऱ्या तोंकाक बँको, सचिवालयां, सरकारी कर्यालयां आदी आसा.