KENEHI.
nua, a hangā ana e ia a Ninewe, me te pa me Rehopoto, me Kara,
12 Me Rehena hoki, i te takiwa o Ninewe o Kara: he pa nui ia.
13 A whanau ake a Mitiraima ko nga Rurimi, ko nga Anamime, ko nga Rehapimi, ko nga Napatuhimi,
14 Ko nga Pataruhimi, ko nga Kaheruhimi, (i puta mai hoki i a ratou nga Pirihitimi,) ko nga Kapatorimi.
15 ¶ A whanau ake ta Kanaana ko Hairona, ko tana matamua, raua ko Hete,
16 Me te Iepuhi, me te Amori, me te Kirikahi,
17 Me te Hiwi, me te Araki, me te Hini,
18 Me te Aarawari, me te Temari, me te Hamati: a muri iho ka marara noa atu nga hapu o nga Kanaani.
19 A i Hairona te rohe ki nga Kanaani, kei tou haerenga mai whaka-Kerara, ki Kaha; kei tou haerenga ki Horoma, ki Komora, ki Arema, ki Tepoimi, a tae noa ki Raha.
20 Ko nga tamariki enei a Hama, tera toronga tera toronga o ratou, tera reo tera reo o ratou, me o ratou whenua, me o ratou iwi.
21 ¶ Me Hema ano hoki, te papa o nga tamariki katoa a Epere, te teina o Iapeta kaumatua, i whanau ano hoki ana tamariki.
22 Nga tamariki a Hema; ko Erama, ko Ahura, ko Arapahata, ko Ruru, ko Arame.
23 A nga tamariki a Arame; ko Uhu, ko Huru, ko Ketera, ko Maha.
24 A whanau ake ta Arapahata ko Haraha, a whanau ake ta Haraha ko Epere.
25 A whanau ake a Epere, tokorua nga tamariki: te ingoa o tetahi ko Pereke; no te mea hoki no ona ra i wehea ai te whenua; a ko Ioketana te ingoa o tona teina.
26 A whanau ake a Ioketana ko Aramotata, ko Herepe, ko Hataramaweta, ko Ieraha,
27 Ko Hatorama, ko Utara, ko Tikera,
28 Ko Opara, ko Apimaera, ko Hepa,
29 Ko Opira, ko Hawira, ko Iopapa: he tamariki katoa enei na Ioketana.
30 A kei Meha to ratou nohoanga, a tae noa koe ki Hepara; he maunga ia kei te taha ki te rawhiti.
31 Ko nga tamariki enei a Hema, tona hapu tona hapu, tona reo tona reo, o ratou kāinga, me o ratou iwi.
32 Ko nga toronga enei o nga tamariki a Noa, me a ratou whakatupuranga, me o ratou iwi: a i wehea mai i enei nga iwi o te whenua i muri iho i te waipuke.
UPOKO 11.
A KOTAHI ano te reo o te whenua katoa, rite tonu ano hoki nga korero.
2 A i a ratou e haere mai ana i te taha ki te rawhiti, na, ka kite ratou i tetahi mania i te whenua o Hinara; a noho ana i reira.
3 Na, ka mea ratou ki tona hoa ki tona hoa, Tena, tatou ka hanga pereki, me ata tahu marire ano hoki. Na, ka meinga e ratou nga pereki hei kohatu, me te uku ano hoki hei moata ma ratou.
4 Na, ka mea ratou, Tena, tatou ka hanga i tetahi pa, me tetahi pourewa, a kia tutuki a runga ki te rangi; kia whai ingoa ai tatou, kei marara atu tatou ki te mata o te whenua katoa.
5 Na, ka heke iho a Ihowa kia kite i te pa, me te pourewa, i hangā nei e nga tamariki a te tangata.
6 A ka mea a Ihowa, Nana, kotahi ano te iwi nei, kotahi ano hoki to ratou reo; a ka timataia nei tenei mahi e ratou: a e kore ratou e taea te pehi, ki te whakaaro ratou kia mahia tetahi mea.
7 Tena, kia heke atu tatou, kia whakapoauau hoki i o ratou reo i reira, kei rongo ia tangata ia tangata ki te reo o tona hoa.
8 Na, whakamararatia atu ana ratou i reira e Ihowa ki runga ki te mata o te whenua katoa: a mahue ake i a ratou te hanga i te pa.
9 Na kona i huaina ai to reira ingoa ko Papera; no te mea i whakapoauautia e Ihowa i reira te reo o te whenua katoa: no reira ano hoki te whakamararatanga a Ihowa i a ratou ki te mata o te whenua katoa.
10 ¶ Ko nga whakatupuranga enei o Hema: ka kotahi rau nga tau o Hema, na, ka whanau a Arapahata i te rua o nga tau i muri iho i te waipuke:
11 A e rima rau nga tau i ora ai a Hema i muri iho i te whanautanga o tana tamaiti o Arapahata, a ka whanau ana tamariki me ana tamahine.
12 A ka toru tekau ma rima nga tau i ora ai a Arapahata, na, ka whanau a Haraha:
13 A e wha rau e toru nga tau i ora ai a Arapahata i muri iho i te whanautanga o tana tamaiti o Haraha, a ka whanau ana tamariki me ana tamahine.
10
