Page:Kajawen 52 1927-12-29.pdf/11

꧋ꦥꦩꦺꦴꦂꦫꦶꦁ​ꦱꦽꦔꦺꦁ​ꦔꦺ꧈​ꦱꦶꦪꦁ​ꦭꦤ꧀ꦢꦭꦸ꧉​

꧋ꦲꦶꦁ​ꦱꦸꦤ꧀ꦲꦶꦏꦶ​ꦱꦽꦔꦺꦔꦺ꧈​ꦭꦶꦂ​ꦏꦗꦮꦺꦤ꧀ꦗꦶꦮꦤꦺ꧈​ꦤꦼꦢꦾ​ꦥꦩꦶꦠ꧀ꦭꦤ꧀ꦱꦶꦫ꧈​ꦲꦺꦃ​ꦲꦫꦶ​ꦱꦲꦶꦏꦶꦤꦺ꧈​ꦏꦫꦶꦪ​ꦲꦤꦺꦁ​ꦏꦺꦤꦺ꧈​ꦲꦶꦁ​ꦱꦸꦤ꧀ꦥꦤ꧀ꦲꦂꦱ​ꦩꦸꦏ꧀ꦱ꧉​

꧋ꦔꦥꦸꦫꦤ꧀ꦠ​ꦝꦸꦃ​ꦢꦶꦤ꧈​ꦗꦶꦮꦺꦁ​ꦱꦸꦤ꧀ꦲꦁ​ꦒꦸꦁ​ꦔꦿꦱ꧈​ꦩꦺꦔꦼꦠ꧀ꦲꦶꦁ​ꦝꦺꦮꦺꦏ꧀ꦏꦺ꧈​ꦏꦁ​ꦮꦸꦱ꧀ꦤꦸꦁ​ꦒꦭ꧀ꦱꦮꦂꦱ꧈​ꦏꦉꦤꦤ꧀ꦭꦮꦤ꧀ꦱꦶꦫ꧈​ꦠꦤ꧀ꦥ​ꦥꦶꦱꦃ​ꦩꦁ​ꦏꦺꦤꦺ꧉​

꧋ꦩꦸꦁ​ꦲꦶꦁ​ꦱꦸꦤ꧀ꦩꦼꦏ꧀ꦱ​ꦩꦶꦫꦸꦢ꧀꧈​ꦥꦼꦠꦼꦁ​ꦏꦁ​ꦲꦂꦱ​ꦤꦥꦸꦢ꧀꧈​ꦢꦺꦤꦶꦁ​ꦏꦼꦱꦸꦤ꧀ꦝꦸꦭ꧀ꦭꦤ꧀ꦠꦲꦸꦤ꧀꧈​ꦏꦁ​ꦮꦸꦱ꧀ꦏꦠꦺꦴꦤ꧀ꦚꦏꦼꦠ꧀ꦠꦶ꧈​ꦮꦶꦩ꧀ꦧꦤꦶꦁ​ꦗꦤꦸꦮꦫꦶ꧈​ꦱꦸꦩꦂꦩ​ꦲꦪ꧀ꦮ​ꦒꦼꦠꦸꦤ꧀꧉​

꧋ꦲꦶꦁ​ꦱꦸꦤ꧀ꦲꦶꦏꦶ​ꦥꦤ꧀ꦲꦮꦤ꧀꧈​ꦥꦶꦤ꧀ꦝꦤꦺ​ꦏꦁ​ꦊꦁ​ꦒꦤ꧀ꦤꦤ꧀꧈​ꦝꦸꦃ​ꦏꦂꦱꦤ꧀ꦠ​ꦱꦽꦔꦺꦔꦺ꧈​ꦲꦶꦁ​ꦱꦸꦤ꧀ꦠꦤ꧀ꦤꦼꦢꦾ​ꦏꦫꦶ꧈​ꦲꦶꦁ​ꦱꦥꦫꦤ꧀ꦠꦸꦠ꧀ꦮꦸꦫꦶ꧈​ꦪꦺꦤ꧀ꦏꦫꦶꦪ​ꦏꦥꦿꦶꦪꦺ꧉​

꧋ꦱꦸꦤ꧀ꦔꦿꦱ​ꦠꦽꦱ꧀ꦤ​ꦪꦼꦏ꧀ꦠꦶ꧈​ꦮꦸꦱ꧀ꦤꦸꦁ​ꦒꦭ꧀ꦲꦶꦁ​ꦱꦮꦂꦱꦶ꧈​ꦱꦶꦫ​ꦲꦁ​ꦒꦸꦁ​ꦩꦶꦉꦁ​ꦤ꧈​ꦏꦢꦶ​ꦥꦫꦤ꧀ꦪꦺꦤ꧀ꦥꦶꦱꦃ꧈​ꦠꦾꦱ꧀ꦲꦶꦁ​ꦱꦸꦤ꧀ꦢꦲꦠ꧀ꦫꦸꦢꦃ꧈​ꦝꦸꦃ​ꦲꦂꦏ​ꦲꦺꦭꦶꦁ​ꦔꦤ꧉​

꧋ꦏꦭꦮꦤ꧀ꦮꦸꦱ꧀ꦥꦶꦤꦱ꧀ꦛꦶ꧈​ꦲꦶꦁ​ꦱꦸꦤ꧀ꦠꦤ꧀ꦏꦼꦤ​ꦏꦫꦶ꧈​ꦱꦥꦫꦤ꧀ꦒꦒꦤ꧀ꦝꦺꦁ​ꦔꦤ꧀꧈​ꦲꦫꦤꦶꦫ​ꦮꦸꦱ꧀ꦕꦸꦤ꧀ꦝꦸꦏ꧀꧈​ꦱꦭꦩꦶ​ꦠꦤ꧀ꦱꦃ​ꦒꦛꦸꦏ꧀꧈​ꦱꦽꦔꦺꦔꦺ​ꦭꦮꦤ꧀ꦲꦮꦤ꧀꧉​

꧋ꦲꦶꦁ​ꦱꦸꦤ꧀ꦥꦼꦠꦼꦁ​ꦔꦶꦁ​ꦢꦭꦸ꧈​ꦏꦁ​ꦥꦶꦤ꧀ꦝ​ꦏꦾꦲꦶ​ꦗꦸꦫꦸ꧈​ꦥꦤꦶꦠꦿ​ꦏꦁ​ꦔꦫꦁ​꧈​ꦏꦁ​ꦚꦶꦩ꧀ꦥꦼꦤ꧀ꦤꦶ​ꦗꦶꦮꦤꦺ꧈​ꦫꦱꦤꦶꦫꦺꦁ​ꦱꦽꦔꦺꦔꦺ꧈​ꦏꦁ​ꦠꦤ꧀ꦏꦼꦤ꧀ꦝꦠ꧀ꦤꦤꦮꦁ​꧉​

꧋ꦪ꧀ꦮ​ꦱꦩꦾ​ꦱꦩꦂ​ꦲꦠꦶ꧈​ꦩꦿꦶꦁ​ꦏꦲꦤꦤ꧀ꦠ​ꦪꦼꦏ꧀ꦠꦶ꧈​ꦥꦝꦁ​ꦔꦶꦁ​ꦏꦁ​ꦱꦽꦔꦺꦔꦺ꧈​ꦏꦭꦮꦤ꧀ꦱꦶꦫ​ꦲꦮꦤ꧀꧈​ꦭꦸꦭꦸꦱ꧀ꦱ​ꦲꦧꦧꦿꦪꦤ꧀꧈​ꦱꦸꦤ꧀ꦏꦁ​ꦩꦶꦏꦶꦂ​ꦲꦥꦶꦏ꧀ꦏꦺ꧉​

꧋ꦪ꧀ꦮ​ꦱꦩꦾ​ꦱꦩꦂ​ꦲꦠꦶ꧈​ꦩꦿꦶꦁ​ꦏꦲꦤꦤ꧀ꦠ​ꦪꦼꦏ꧀ꦠꦶ꧈​ꦥꦝꦁ​ꦔꦶꦁ​ꦏꦁ​ꦱꦽꦔꦺꦔꦺ꧈​ꦏꦭꦮꦤ꧀ꦱꦶꦫ​ꦲꦮꦤ꧀꧈​ꦭꦸꦭꦸꦱ꧀ꦱ​ꦲꦧꦧꦿꦪꦤ꧀꧈​ꦱꦸꦤ꧀ꦏꦁ​ꦩꦶꦏꦶꦂ​ꦲꦥꦶꦏ꧀ꦏꦺ꧉​