ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦫꦶꦁꦏꦶꦃꦲꦶꦁꦲꦶꦧꦸ꧈ꦏꦼꦢꦃꦢꦶꦥꦸꦤ꧀ꦗꦒꦶꦱꦸꦥꦢꦺꦴꦱ꧀ꦮꦮꦿꦠ꧀ꦠꦶꦥꦸꦤ꧀ꦧꦺꦴꦠꦼꦤ꧀ꦏꦼꦉꦥ꧀ꦏꦼꦉꦥ꧀꧈
꧋ꦥꦸꦤꦥꦱꦒꦼꦢ꧀꧈ ꦧꦺꦴꦏ꧀ꦩꦤꦮꦶꦮꦺꦴꦤ꧀ꦠꦼꦤ꧀ꦥꦫꦩꦲꦺꦴꦱ꧀ꦲꦶꦁꦏꦁꦲꦤ꧀ꦢꦔꦸꦩꦏꦠꦼꦤ꧀꧈ ꦲꦶꦁꦏꦁꦥꦸꦤꦶꦏꦲꦶꦁꦔꦿꦶꦏꦶꦧꦝꦼꦔꦤ꧀ꦝꦂꦫꦏꦼꦤ꧀ꦲꦶꦁꦱꦮꦠꦮꦶꦱ꧀꧈ ꦩꦶꦠꦸꦫꦸꦠ꧀ꦥꦩꦁꦒꦶꦃꦲꦶꦥꦸꦤ꧀ꦠꦸꦮꦤ꧀ A.C. Selmon ꦱꦂꦠꦥꦿꦏꦮꦶꦱ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ ꦲꦶꦁꦏꦁꦢꦢꦺꦴꦱ꧀ꦧꦏꦸꦤꦶꦁꦏꦫꦁꦔꦤ꧀ꦥꦸꦤꦶꦏ꧉
꧋ꦭꦉꦲꦶꦁꦏꦁꦱꦫꦱ꧀꧈ꦠꦸꦮꦶꦤ꧀ꦥꦠꦿꦥ꧀ꦥꦶꦁꦔꦽꦱꦶꦏ꧀ꦏꦶꦠꦔꦤ꧀꧈ (foto)
꧋ꦮꦶꦗꦶꦲꦶꦁꦏꦁꦧꦝꦼꦢꦸꦩꦢꦺꦴꦱ꧀꧈ ꦠꦏ꧀ꦱꦶꦃꦭꦁꦏꦸꦁꦲꦭꦶꦠ꧀ꦩꦭꦶꦃꦩꦤꦮꦶꦢꦶꦥꦸꦤ꧀ꦠꦤ꧀ꦝꦶꦁꦏꦭꦶꦪꦤ꧀ꦮꦶꦗꦶꦤꦶꦁꦱꦮꦶ꧉ ꦮꦶꦗꦶꦲꦶꦁꦏꦁꦱꦩꦤ꧀ꦠꦼꦤ꧀ꦮꦲꦸ꧈ ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦮꦤ꧀ꦩꦶꦁꦒꦸꦲꦒꦼꦁꦔꦶꦥꦸꦤ꧀ꦮꦠꦮꦶꦱ꧀ꦱꦠꦶꦒꦤ꧀ꦤꦶꦁꦥꦼꦏ꧀ꦱꦶꦢꦫ꧈ ꦢꦺꦤꦺꦩꦤꦮꦶꦱꦩ꧀ꦥꦸꦤ꧀ꦗꦁꦏꦼꦥ꧀ꦏꦭꦶꦃꦮꦸꦭꦤ꧀꧈ ꦲꦒꦼꦁꦔꦶꦥꦸꦤ꧀ꦩꦶꦤ꧀ꦝꦏ꧀ꦱꦠꦶꦒꦤ꧀ꦲꦪꦩ꧀꧈ ꦤꦭꦶꦏꦥꦸꦤꦶꦏꦱꦩ꧀ꦥꦸꦤ꧀ꦒꦠꦿꦩꦸꦗꦸꦢ꧀ꦢꦏꦼꦤ꧀ꦱꦶꦱꦶꦥꦠ꧀ꦠꦤ꧀ꦲꦁꦒꦤ꧀ꦤꦶꦁꦠꦶꦪꦁ꧈ ꦲꦺꦴꦠꦺꦴꦠ꧀ꦫꦃꦲꦶꦁꦏꦁꦒꦤ꧀ꦝꦺꦁꦏꦭꦶꦪꦤ꧀ꦮꦝꦃꦲꦶꦥꦸꦤ꧀꧈ ꦱꦂꦠꦱꦫꦶꦤꦶꦁꦠꦼꦝꦲꦶꦁꦏꦁꦏꦠꦼꦝꦲꦶꦧꦸꦤꦶꦥꦸꦤ꧀꧈ ꦠꦼꦫꦸꦱ꧀ꦭꦸꦩꦩ꧀ꦥꦃꦩꦼꦢꦭ꧀ꦲꦶꦁꦲꦺꦴꦠꦺꦴꦠ꧀ꦮꦲꦸ꧈ ꦩꦶꦤꦺꦴꦁꦏꦠꦼꦠꦼꦝꦤ꧀ꦤꦶꦥꦸꦤ꧀꧈ ꦩꦤꦮꦶꦮꦺꦴꦤ꧀ꦠꦼꦤ꧀ꦲꦶꦁꦏꦤ꧀ꦝꦸꦠ꧀ꦠꦤ꧀ꦱꦩ꧀ꦥꦸꦤ꧀ꦲꦸꦩꦸꦂ 4 ꦮꦸꦭꦤ꧀꧈ ꦱꦩ꧀ꦥꦸꦤ꧀ꦏꦠꦶꦔꦭ꧀ꦕꦼꦛꦥꦼꦫꦁꦥꦼꦫꦁꦔꦤ꧀ꦱꦫꦤ꧀ꦢꦸꦤꦶꦁꦧꦢꦤ꧀꧈ ꦢꦸꦩꦸꦒꦶꦤꦶꦥꦸꦤ꧀ꦲꦸꦩꦸꦂ 6 ꦮꦸꦭꦤ꧀꧈ ꦮꦮꦿꦠ꧀ꦠꦶꦥꦸꦤ꧀ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦏꦭꦶꦃꦏꦠꦶ꧉ ꦩꦤꦮꦶꦭꦉꦥꦸꦤꦶꦏꦭꦲꦶꦂꦤꦭꦶꦏꦱꦮꦼꦒ꧀ꦲꦸꦩꦸꦂꦱꦩꦤ꧀ꦠꦼꦤ꧀꧈ ꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦤꦩꦸꦁꦱꦒꦼꦢ꧀ꦒꦼꦱꦁꦱꦮꦠꦮꦶꦱ꧀ꦢꦶꦤ꧀ꦠꦼꦤ꧀ꦏꦼꦩꦮꦺꦴꦤ꧀꧈ ꦪꦺꦤ꧀ꦱꦩ꧀ꦥꦸꦤ꧀ꦲꦸꦩꦸꦂ 9 ꦮꦸꦭꦤ꧀꧈ꦤꦩꦱꦩ꧀ꦥꦸꦤ꧀ꦮꦚ꧀ꦕꦶꦤꦶꦥꦸꦤ꧀꧈ ꦩꦤꦮꦶꦱꦩ꧀ꦥꦸꦤ꧀ꦭꦲꦶꦂꦩꦺꦴꦁꦏꦱꦲꦼꦥꦔꦽꦏ꧀ꦱꦤ꧀ꦤꦶꦥꦸꦤ꧀꧈ ꦏꦛꦃꦱꦒꦼꦢ꧀ꦢꦶꦥꦸꦤ꧀ꦮꦶꦭꦸꦗꦼꦁ꧉
꧋ꦢꦔꦸꦤꦶꦥꦸꦤ꧀ꦮꦮꦿꦠ꧀ꦥꦸꦤꦶꦏꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ 280 ꦢꦶꦤ꧀ꦠꦼꦤ꧀꧈ ꦧꦝꦼꦤ꧀ꦠꦼꦤ꧀ꦲꦶꦤ꧀ꦠꦼꦤ꧀ꦧꦼꦚ꧀ꦗꦶꦁꦥꦸꦤꦥꦭꦲꦶꦂꦫꦶꦥꦸꦤ꧀꧈ ꦏꦼꦔꦶꦁꦩꦮꦶꦥꦶꦥꦶꦫꦶꦢ꧀ꦢꦤ꧀ꦩꦏꦠꦼꦤ꧀꧇
꧋ꦮꦶꦮꦶꦠ꧀ꦢꦶꦤ꧀ꦠꦼꦤ꧀ꦱꦥꦶꦱꦤ꧀ꦱꦏꦶꦁꦲꦁꦒꦫꦥ꧀ꦱꦫꦶꦲꦶꦁꦏꦁꦥꦸꦁꦏꦱ꧀ꦱꦤ꧀꧈ ꦲꦩꦼꦠꦔ 9 ꦮꦸꦭꦤ꧀ꦮꦭꦤ꧀ꦢꦶ꧈ ꦭꦗꦼꦁꦏꦮꦼꦮꦃꦲꦤ꧀ 7 ꦢꦶꦤ꧀ꦠꦼꦤ꧀꧈ ꦧꦼꦚ꧀ꦗꦶꦁꦠꦁꦒꦭ꧀ꦥꦶꦤ꧀ꦠꦼꦤ꧀ꦝꦸꦩꦮꦃꦲꦶꦁꦮꦸꦭꦤ꧀ꦥꦸꦤꦥ꧈ ꦥꦸꦤꦶꦏꦱꦒꦼꦢ꧀ꦏꦢꦩꦼꦭ꧀ꦲꦚ꧀ꦕꦼꦂꦲꦚ꧀ꦕꦼꦂꦭꦲꦶꦂꦫꦶꦥꦸꦤ꧀꧈ ꦲꦸꦥꦩꦶꦮꦶꦮꦶꦠ꧀ꦠꦶꦥꦸꦤ꧀ꦲꦁꦒꦫꦥ꧀ꦱꦫꦶꦲꦶꦁꦏꦁꦥꦸꦁꦏꦱ꧀ꦱꦤ꧀ꦝꦸꦩꦮꦃꦲꦶꦁꦮꦸꦭꦤ꧀ꦗꦤꦸꦮꦫꦶꦠꦁꦒꦭ꧀ 1꧈ ꦭꦲꦶꦂꦫꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦠꦁꦒꦭ꧀ꦔ 8 ꦮꦸꦭꦤ꧀ꦎꦏ꧀ꦠꦺꦴꦧꦼꦂ꧉ ꦏꦗꦮꦶꦩꦮꦶꦥꦼꦥꦼꦠꦁꦤ꧀ꦩꦏꦠꦼꦤ꧀꧈ꦕꦫꦒꦩ꧀ꦥꦶꦭ꧀ꦒꦩ꧀ꦥꦶꦭ꧀ꦭꦤ꧀ꦤꦶꦥꦸꦤ꧀꧈ ꦮꦶꦮꦶꦠ꧀ꦱꦏꦶꦁꦲꦁꦒꦫꦥ꧀ꦱꦫꦶꦲꦶꦁꦏꦁꦥꦸꦁꦏꦱ꧀ꦱꦤ꧀꧈ꦭꦗꦼꦁꦏꦮꦼꦮꦃꦲꦤ꧀ 280 ꦢꦶꦤ꧀ꦠꦼꦤ꧀꧈
꧋ꦩꦼꦁꦒꦃꦪꦏ꧀ꦠꦺꦴꦱ꧀ꦱꦶꦥꦸꦤ꧀꧈ ꦏ꧀ꦢꦭ꧀ꦭꦶꦥꦸꦤ꧀ꦥꦸꦤꦶꦏꦧꦺꦴꦠꦼꦤ꧀ꦱꦒꦼꦢ꧀ꦢꦶꦥꦸꦤ꧀ꦠꦼꦩ꧀ꦠꦺꦴꦏ꧀ꦲꦏꦼꦤ꧀꧈ ꦲꦩꦂꦒꦶꦭꦲꦶꦂꦫꦶꦥꦸꦤ꧀ꦥꦸꦤꦶꦏ꧈ꦱꦒꦼꦢ꧀ꦩꦗꦼꦁꦲꦸꦠꦮꦶꦩꦸꦤ꧀ꦢꦸꦂꦔꦤ꧀ꦠꦺꦴꦱ꧀ꦏꦭꦶꦃꦩꦶꦁꦒꦸ꧉
꧋ꦠꦶꦠꦶꦏ꧀ꦏꦤ꧀ꦤꦶꦥꦸꦤ꧀ꦩꦤꦮꦶꦮꦮꦿꦠ꧀ꦥꦸꦤꦶꦏꦏꦛꦃꦱꦔꦼꦠ꧀꧈ ꦏꦺꦤ꧀ꦢꦼꦭ꧀ꦭꦶꦥꦸꦤ꧀ꦲꦁꦒꦫꦥ꧀ꦱꦫꦶ꧈ ꦥꦸꦤꦶꦏꦲꦶꦁꦒꦶꦃꦏꦼꦔꦶꦁꦏꦁꦒꦼꦠꦶꦠꦶꦏ꧀ꦏꦤ꧀ꦪꦺꦤ꧀ꦱꦩ꧀ꦥꦸꦤ꧀ꦮꦮꦿꦠ꧀꧈ ꦤꦩꦸꦁꦩꦤꦮꦶꦲꦁꦒꦺꦤ꧀ꦤꦶꦥꦸꦤ꧀ꦮꦮꦿꦠ꧀ꦥꦸꦤꦶꦏꦏꦼꦱꦸꦤ꧀ꦝꦸꦭ꧀ꦭꦤ꧀꧈ ꦧꦺꦴ
