Page:Kaba Puti Nilam Tjayo dengan Dang Tuanku.pdf/12

10

babunji siamang putiah manitijaretieh salindik djantan bakukak ajam ateh langik tabantang tjajo ula majang tando puti turun mandi,

Lah sudah mandi basiram pulang puti ka ustano diiriangkan dajang djo panginang,

Luruih djalan Padang Pandjang
Kakida djalan Pandai Sikek
Bakelok lalu Batu Palano
Kalau dirantang injo pandjang
Elok dikumpa naknjo singkek
Diambiak sadjo nan paguno

Biarauari si Ambun Suri lah tjukuik umua limo tahun pandai bamain main sureng takana bana di bapak kanduang iyolah Radjo Alam Sati nak maliek peruntungan diliek dinauangi nasib anak ditjari tukang tanuang sampai kanagari Radjo Angek.

Tadanga kaba di Radjo Angek bahaso Radjo mantjari nudjun sinan dipanggia tukang nudjun.

Lab tibo sagalo tukang tanuang mamintak Radjo Angek Garang mano kalian kasamonjo kalian di imbau Radjo Alam dalam nagari Saribunian manjuruah tanuang Ambun Suri anak kanduang Radjo nantun kok elok paruntungan padja nantun kok injo lai batuah katokan injo anak tjilako tak elok ditaruh dalam nagari elok dibunuah hiduik hiduik anak tjilako sifaik buruak.

Djikalau basuo pandapatan bahaso buruak untuang anak katokan elok padja nantun.

Lorong kapsdo Radjo angek sadjak simiskin djadi radjo hatinjo sakik sadjak dahulu akan dilawan tidak talawan rakjaknjo gagah barani,

Lah sudah Radjo batitah manjambah sagalo tukang tanuang kalau baitu titan Tuanku kami tarimo ganggam arek badjalan sagalo tukang tanuang takuik