dah barembang patang elok bamalam dirumah kami usah badjalan tangah malam mandanga kato nan bak kian sanang hati kaduonjo kalau baitu kato anduang sananglah hati badan kemi duduak baduo dalam dapua dek rang tuo sangaik panjajang diambiak nasi dalam kampia nasi dingin labiah pagi disuruah makan kaduonjo dek anak baduo paruik nan sangaik lapa bana lah sabari indak makan habiah nasi dalam kampia lah sudah makan anak nantun mantjitjik paluah dibadan lunak sagalo pasandian dikapalingan nasi pan dimakan talalok anak kaduonjo.
Maliek rupo nan bak kian ibo maliek padja nantun laruik hati mamandangi balinang aia mato hari samalam malem nantun tidak tadjago anak kaduonjo talalok sampai pagi dek sangaik latiah badjalan alah siang tjandonjo hari manjinsing paneh ditimua bakitjau murai ateh kaju djago si Bujuang Karuik djago pulo si Slamsiah badjalan turun kasungai dibasuah muko anjo lai badjalan mamintak izin ijo kapado punjo rumah bakato rang tuo nantun usah anak badjalan dahulu nantikan nasi ditanak makan anak dahulu kan io si Sjamsiah ditolong mananak nasi lah sudab nasi ditanak disuruah makan kaduonjo dibungkuih pulo nasi dikampia untuak makan patang hari dibari pitih ampek uwang.
Badjalan bahati suko tidak tabado sanang hati bamiajak muko kaduonjo mamintak sukur pado Allah dapek tompangan urang panjantun guno djo apo akan dibaleh Allah sadjo nan tabu.
Badjalan lojo kaduonjo badjalan bariang iriang dituruik labuah nan pandjang tampak padati dari djauah padati kabau baatok kadjang badjalan bagageh gageh balari lari andjiang mangadja padati urang nantun dirlangkan padati dari balakang dek lamo lambek didialan bakato tukang padati diliek dipandangi sadjak tadi wa ang mvirlang dari balakang handak kamano kalian apo mukasuik badjalan djauh rantau mano kalian turuik katonjo tukang padati.
Mandjawab si Bujuang Karuik kami nan datang dari djauab mambao huntuang garak Allah sarahkan untuang ka nan satu handak kamano garan mamak bao manompang malah kami bao saitiang kami didjalan.
