[LU:]
dia bélaib, dolinged míl m‑bec iarsin lind doclium a bél; o ra uccad o bélaib nacc ní inneuch* scéinti lea hanail ho chud. Contuli íarom d’ adaig[1] co n‑accai ní: in fer chuicci ata-gladastar. Asbert fria, ru bad torrach húad, ocus bá hé nudabert adochum don bruig. Ba leiss fétir, Bái in mac altae, ocus ba hé tatharla inna broind, ocus bid Setanta a ainm, ocus ba hesse Lug [lug][2] mac Ethnend, ocus co n‑altá ind lúirchaire diu mac.
6. Bá torrach din ind ingen. Ba ceist mór lá hUltu, ná con fes céle for a seilb dumet* bá hóman leó, bá ó Chonchobur thrémesci, ar bá leis no foied a fiúr. Arnenaisc iarom Concobar a fíair do Sualdaim mac Róig. Ba mór a mélacht lea techt cosin fer i n‑imdaí, ossí alacht. Anam laide don chrund siuil, brúchtis bí acroith innallaili*, co m‑bu ógslán. Luid cosin fer iarom. Bá torrach atheroch ellam. Birt mac, ocus doberar Setanta fair.
[Eg:]
ro lingiuth in miol m‑becc iarsin linn dochumm a beoil; o ro uccud in mil o belaib, ni faccuid nech in mil iarsin, Scente in mil co hopunn ria hanail fo deoid. Contuil iarum d’ adhaig[3], conn facco ni: in fer chuicci, ocus ispert fria: „Biad torruch huaim-siu a ben“, ol se, „iss me ro-bur-fucc don prug“ ol se. „Is lem dofeidbair hi tuaim inn eouin (sic). Is me in mac ro altaisi, is he tathlai it bruinn, ocus bid Setanta a ainm. Is missi Lug mac Ethnenn.“
6. Ba torruch iarum in ingen. Ba cest la hUlltu iarum inni sin, ar ni fess celi le in inbuid sin. Domenatar hUlaid, ba Conchohar dogenai thamuscce, ar ba leis no ḟaided[4] a ḟiur dogres. Aronenuscc iarum in ingen do Sodaultuim. Ba mebul le dul, issi torruch. Adroethuig iarum in n‑gein bui ina bruinn; in tau luid‑i do crunn ocus beraith a croith in alaili, gu m‑bo hoghslan. Luid gusin fer ocus ba torruch
