Page:Irische Texte 1.djvu/124

From Wikisource
Jump to navigation Jump to search
This page has been proofread.
102
III Scél mucci Mic Dáthó.

isin tír. Tanacaisiu fon égim. Ro thelgis gai[1] ḟorm-sa, corraba as mo scíath[2]. Dollecim-se duit-siu in n‑gai cétna, colluid trét chend, ocus co m‑bert do ṡúil as do chind[3].“ Atotchiat[4] fir hErenn co n‑oén ṡúil. Messe tall in t‑ṡúil aile as do chind[5].“ Dessid side dana.

12. „Frithalid dana, a Ulto[6], in comram beus!“ ar Cet. „Nis raindfe innossa[7]“, ar Munremor mac Gergind. „Inné seo Munremur?“ ar Cet. „Is me ro glan mo gó fo deóid a Munremur“, or Cet. „Ní ḟuilet tríthráth and, o thucusa[8] triláichcind uait im chend do chétmic as t’ḟerund.“ Dessid side dana.

„In comram beus!“ or Cet. „Rot bia són“, ar Mend mac Salcholcan[9]. „Cia so?“ or Cet. „Mend“, or cách. „Cid ane“, or Cet, „mac na m‑bachlach cusna lesanmannaib do chomram chucum[10]; ar ba úaim-se fúair th’ athair in t‑ainm sin, .i. messe ra-ben a ṡail de do chlaidiub[11], conna ruc acht oenchois[12] úaim. Cid dobérad mac ind oenchoisseda chucum[13]?“ Dessid side dana.

13. „In comram beus!“ or Cet. „Rot bia[14]“, or laech líath mór forgránna do Ultaib[15]. „Cia so?“ or Cet. „Celtchair mac Uthechair[16] sin“, or cách. „An bic, a Cheltchair“, or Cet, manip dom thuarcain fo chetóir. Ro tanac-sa, a Cheltchair, co dorus do thigi. Foheged[17] immum. Tánic cách. Tanacaisiu dana. Dot luid i mbernai[18]* ar mo chind-sa. Do reilgis[19]


  1. ro legis gai H.
  2. isan sceith H.
  3. as di cinn H.
  4. atatciad H.
  5. mese thall in suil n‑aili as de c. H.
  6. fritoilid a Ulta H.
  7. anosa H.
  8. nisfailiud tritrath otucusai H.
  9. Mend m. salca no salcalgai H.
  10. di chomram cucom H.
  11. ar ba mese ba sacart oc baistiud ind anmo sin for a at. mese tald a sail de co claidiub H.
  12. oin cois H. oenchoss L.
  13. cucumsa H.
  14. rotbia son H.
  15. di Ullt. H.
  16. mac Cuthechair L. Uitidir H.
  17. ro hegind H.
  18. amberna H.
  19. do relcis gai formsa H.