Page:Irische Texte 1.djvu/122

100

III Scél mucci Mic Dáthó.

aige ocus mucca la Laigniu. Atesta desin mairfider^[1] dúib imbárach.“ „Is maith in mucc^[2],“ ar Conchobar. „Is maith imorro“, ar Ailill. „Cinnas rainnfither^[3] in mucc a Chonchobair?“ ar Ailill. „Cinnas“, ar Bricriu mac Carbaid anuas ane*^[4], „bale itaat láith gaile fer n‑hErend^[5] acht arraind ar galaib ocus ar chomramaib^[6], ocus dorat cách buille díb^[7] dar sroin a cheile riam*“. „Dentar“, ar Ailill. „Is cóir“, ar Conchobar. „Atát gillai dún istaig ro imthigitar in cocrích“^[8].

7. „Ricfaiter a les do gillai innocht, a Chonchobair“, ar Senlaech Arad^[9] alluachraib Conalad aníar. „Ba menic ag méth díb d’ḟacbail acum-sa ocus rota Luachra Dedad fó tóin“. „Ba méthiu an ag foracbaisiu ocainni, .i. do brathair fadéin^[10] .i. Cruachniu mac Rúadluim a Cruachnaib Conalad“. „Nir bo ḟerr saide“, ar Lugaid mac Conrúi, „andás in Loth mór mac Fergusa maic Leti^[11] foracbad la Echbel mac Dedad^[12] i Temair Lochra.“ „Cinnas fir lib“, ol Celtchair mac Uthechair, „Conganchness mac Dedad^[13] do marbad dam-sa ocus a chend do beim de.“

8. Immotarla trá dóib^[14] fodeoid, co tarat in t‑oinḟer for firu hErend .i. Cet mac Matach. Do fúargaib side imorro fair a gasced^[15] uas gaiscedaib in t‑ṡluaig ocus rogab scín inna láim ocus dessid^[16] ocon muicc. „Fagabar tra“, ar se, „do ḟeraib hErend tairismi comrama frim-sa^[17] no lécud nammucci do raind dam.“

---

1. mairbfidir H.
2. es mait amuc H.
3. raindfidir H.
4. ol Bric. macarbaid induas amne asan imda H.
5. feur ner. sund H.
6. aroind ar chomramaib H.
7. dorad cac dib builli H.
8. is mait or C. ataid gillo lind astich imrulat. H.
9. Senlaegh arad a Cruacn. H.
10. ba minic rota luachrae degad limsa fo a toin . minic agh meich dib dacb. acumsa . ba menciu letsai ag met, dacb. ocaind ar Munremur m. Gerginn m. Illodan m. Oingusa b. m. Rudr̄i . amal foracbois do braitir bodein H.
11. oltas an Loth mór m. Fergusa m. Lete m. Rudri H. oldas indloich mor M.
12. lia hEchbel m. n‑Degad H.
13. mac Uithidir Congancnes m. Degad H.
14. immatarlac dóib H.
15. mac Magoch do condocht. Do ḟuarcoib side a gaisc. H.
16. ocus desseid H.
17. hi forgabur dferaib Er. tra ol se oinfer tairisme comrame friumsa H.