ING SANTO EVANGELIO NING GUINU TANG JESU-CRISTO
KANG SAN MARCOS.
——————
1 Juan a Maminyag.
1 KAMUMULAN ning evangelio ning Guinu tang Jesu- Cristo, Anak ning Dios.
2 Nung makananung misulat karing manula:
- Oini, ipabal ke ing tubud ku mumuna king arapan mo,
- bang isadya ne ing dalan mu;
3 siwala ning metung a kukulait king ilang
- Isadya ye ing dalan na ning Guinn,
- tuliran yu la ding keang daklat!
4 Dinatang ya i Juan, maminyag ya king ilang, at panaral na ing binyag king pamanisi, a makapatawad king kasalanan.
5 At linual la ngan kea ding mabilug nang labuad ning Juden at ding anggang karin Jerusalem, at bininyag na la king ilug ning Jordán, papasing da ing karelang kasalanan.
6 Ati Juan makaimalan yang bulbul camello, at magdala yang aptas a balat makababat king keang awakan; at mamangan yang durun ampon pulut panilan :
7 at panians na, ngana: datang yang tutuki kanaku ing lalupang mayupaya kanaka, a e ku bague mang dukung kalag karing tali ra ding keang sapin !
8 Aku ing katutuan, bininyag da kayu king danum, dapol ya binyagan na kayu king Espíritu Santo!
Pamaminyag at pamanuksu kang JESUS.
9 At milyari king aldo adeta i JESUS ibat ya Nazaret karin Galilea, at bininyag na ya namang Juan king Jordan.
