29 At guinawa la kanita metung a koronang sukauk, pinutung de king buntuk na, at ing metung a kawayan king gamat nang wanan; ampon siniklaud la arapan na, susunu re, ngara: ¡Ing Dios ingatan na ka, Ari ding Judios!
80 At panluran de, ampon kakwanan ing kawayan, susugatan de buntuk.
31 At kaibat deng piniunu, likas de kea ing halabal, at sinulud kea ing tune nang imalan, layun delang ipaku king cruz.
Ing pamipaku king Cruz.
32 At panlual da king ciudad, ikit de ing metung a tan Cirene, milalaguiwan Simon; iti pinilit deng migdala king cruz na.
33 At înyang miras na la king karinan a ausan dang Golgota, a buri nang sabyan, Karinan na ning Calvario,
84 pepainum deng aslam makilauk atdu; dapot ya, kaibat nang tikman, e na ininum.
85 At inyang apaku ra ne king cruz pirake-rake ra ing keang imalan, peparalan da king pipangalman; bang matupad ing guingkas ning manula :
Pirake-rake ra ing imalan ku,
layun dang pipangalman:
36 at linukluk la kanita, tatanuran de karin.
37 At binili re babo ning buntuk na ing laguin ning bibili rang kasalanan, a makanyan a pangasalat: ITI YA I JESUS, ING ARI RA DING JUDIOS.
38 At inaba rong pinaku kes ding adwang mapanyabat, ing metung king wanan na, ading metung king kaili na.
39 At ding lalabas lilibakan de, pipiling la bantuk,
40 at ngarang sasabi: ¡Nung ika alasak me ing pisamban, at king lub ning atlung aldo atalakad me, iligtas mung dili mu ing kekang katawan! ¡Nang ika ing Anak ning Dios, kul- das ka king cruz!
41 Makanyan mu naman ding pun ding sacerdotes lilibakan dea naman, patina ding escribas ampon makatwa, ngarang sasabi :
42 ¡ Ding aiwa linigtas na la, ing katawan na e na aligtas | ¡Nung ya ing ari Israel, kuldas ya ngani king oruz, at maniwala ke kea !
