9 At inyang mako ya i Jesús karin, ikit ne ing metung a tau, a palaguiuwan dang Mateo, makalukluk ya king bangkung pipanyingilan buis; at sinabi na kea: Tuki ka kanaku. At tinalakad ya kanita, tinuki ya kea.
10 At milyari inyang makalukluk neng mangan king bale nang Mateo, oini ding dakal a manyingil buis at makasalanan dinatang la at mekiluklukan lang mengan kang Jesús, at karing keang alagad.
11 At inyang ikit da iti ding fariseos, sinabi ra karing keang alagad: Bakit makisulu yang mamangan ing kekong Maestro karing manyingil buis at makasalanan?
12 Ya pin panamdam na kanita, sinabi na: Ding alang masakit e la magkailangan manulu, nung e ding sakitan.
13 Inya ume kayu at pagaralan ya nang nanang kabaldugan na niti: Pagnasan ku ing kapakaluluan, at e king pamanain; uling e ku mine keting maus banal, nung e makasalanan.
14 Kanita pin detangan de ding alagad nang Juan a Maniinyag, sinabi ma: Bakit magayunu kami at ding fariseos
madalas, dapot ding kekang alagad ali la?
15 Ati Jesús sinabi na karela: Makananu lang magpaldas ding abe na ning kakasal kabang abe re ing asawa? Dapot miras ing aldo a ing asawa mikawani ya karela; at kanita pin magayunu la.
16 Ninuman e ne itagpi ing imalan a bayu king imalan a aran; uling iti muring penagpi igutan ne ing imalan, at lalu. neng dagul a kasiran.
17 E la naman mibibiling bayung alak king lulanan a aran; nung mipakanyan misalbag la ding lulanan, at ing alak mingse, at masira la ding lulanan; nung e ibili ra ing alak a baya king bayung lalanan, at mikametung lang luat.
18 Kabang ya sasabyan na karela ing bague a iti, oini.
dinatang ya ing metung a pun king sinagoga, sinikland ya
