kanaku, a e ku bague mang magdala kering kcang sapin: ya binyagan na kayu king Espiritu Santo ampon king api.
12 Atin king gamat na ing panipayangin, at linisan nang mayap ing mepalut at isinup na ing trigu king kamalig, dapot dulukan na ing are king aping e matatda.
13 Kanita pin i Jesús inayan ne i Juan, manibat Galilea angga king Jordán, bayang mabinyag kea.
14 Dapot i Juan buri nang ambaganan, sinabi na: Akung sukat pabinyag keka at inayan mu ku?
15 Kanita pin i Jesús mekibat ya, ngana kea: Paintulut mu ngeni; uling bague kekata ing tupad king anggang katuliran. Kanita pin pepaintulut na na.
16 At kaibat nang mabinyag, sinaka ya king danum i Jesús at o ini, king ding banua mebuklat la kea, at ikit ne ing Espiritu ning Dios kukuldas ya katulad ne ning pati-pati at daratang ya tulid na.
17 At o ini, ing metung a siwala a ibat karing banua, ngana: ¡ti yang Anak kung kaluguran, a atiu kea ing kasayan ku!
4KANITA pin i Jesús dela ne king ilang ning Espiritu baneng tuksuan ning demonio.
2 At kaibat nang migayunung apat a pulung aldo ampon apat a pulung bengi, meranup ya.
3 At lepitan ne pin ning mapanuksu, sinabi nakea; Nung ika ing Anak na ning Dios, sabyan mu king ding batung deni malyari lang tinupe.
4 Dapot ya mekibat ya, ngana: Tiu makasulat: E mu king tinape karin ya mie ing tau, nung e king anggang sabing manibatan king asbuk ning Dios.
5 Kanita pin ing demonio dela ne king santong ciudad, at binili ne king pamakpak ning pisamban,
6 at sinabi na kea; Nung ika ing anak ning Dios, luksu ka ken angga lalamu; uling makasulat:
Karing keang angeles munye yang bilin dikil keka;
