metung: ninu pin iti, ing angin man at ing dayatmala pamintuan de?
Ing tau Gadara a makidemonis.
5
AT miras la kangatba na ning dayatmalat king balayan
da ding tau Gadara.
2 At inyang linual ya king daung, kanita selubungan neng agad ning metung a taung ibat karing kutkutan, makiespiritung marinat;
3 a iti ding kutkutan ilang tuknangan na; at ninuman e re agapus, aguiamang karing talikala.
4 Uling madalas a mipango ya at migapus karing talikala ; at ding talikala asisira na la, at ding pango apapamakli na la; ninuman alang makasupil kea.
5 At kabang panaun, bengi at aldo, lalakad yang kukulait king kabundukan at karing kutkutan at pangarulan na ing keang katawan karing batu.
6 At inyang akit ne i Jesús king marayu, milai ya, at simban ne;
7 at kukulait yang masikan, ngana: Nanung pakialam ku keka, Jesús, a Anak na ning Dios a kakataskatasan ? susumpa ku keka king uli ning Dios, e mu ku pasakitan,
8 uling sasabyan na kea: ¡ Lual ka king taung iti, espíritung marinat!
9 At kitnan ne: nanu ing laguiu mu? At ya sinabi na: Kawan ing laguiu ku; uling dakal kami.
10 At bina nang pakisabing mayap kea king e no sa palualan ketang balayan a ita.
11 Atin naman karin, king tibis ning ning bunduk, metung a kawan a babing manambuk:
12 at ding demonios pekisabi rang mayap kea, ngara: Ipadala mu kami karing babi bakeng lumub karela.
13 At ya pepaintulut na. Kanita pamanlako ra ding espiritung marinat, linub la karing babi; at ing kawan linuksu king pangpang a matas king dayatmalat (ating aduang libu), at mengalumud la king dayatmalat.
14 At ding magpastul karela tinakas la, at pigsalita ra king balayan at karing gutad. At linual la ding tau karin barang akit nung nanu ing mepalyari.
15 At mine la kang Jesús, lalawan de ing ating demonio
