480
nagsadiring homdlog halé sa kdhoy, kominogos asin pinan6o sya nin hadok dangan nawaran nin pagkatawo.
Nakita ni Sisa nagroronggéhay nin dugo, dinokoan ito, garong magkahuruliwat su saiyang mata, hiniling ito sa pandok, asin garong yinogyog kan malungsing itong panglawog su mga natotérog na mga células kan saiyang hotok, sarong bilang silyab lominuwas sa sai- yang isip, namidbid su saiyang aki, asin kominurahaw, dinaghagan su nalonosan na barobata, pinagkokogos asin hinahadokan.
Daing hiréhiré su magina...
Kan maulian si Basilio, nahiling nyang daing pag- katawo su saiyang ina. Binan-o nya asin isinangkap nya an gabés na mga makalolédok na pagngaran asin, kan makitang dai man naggiginhawa, dai man nagigimata, tominindog, napaduman sa sapa sa pagkoa nin tubig na sasaldokon nin binalisongsong na dahon nin batag asin winirikan kaito su malungsing lawog kan saiyang ina. Alagad dai lamang huminiré su rongaw, padagos na piyong su saiyang mga mata.
Hiniling ito ni Basilio na nanggilantas, idinuta su saiyang talinga sa tangod kan saiyang puso, alagad ma- lipot su maniwang asin malungsing daghan asin su pusé dai nagkakitad, ibinugtak su saiyang ngosd sa ngimot kaito asin ta dai syang namateng hinangos. Ki- nogos kan daing pdlad su bangkay asin nagtangis nin mapait.
Panong kamahalan na nagsasaga su talé-sinag sa la- ngit, naghohoyophéyop su simoy na baga naghahagay- hay asin sa irarom kan 4wot naghuhuruni su mga diwit.
Su banggi na liwanag asin kagayagayahan sa kada- kul na mga aki, na sa mainit na namumugtakan kan angkos nangagrorokyaw kan fiesta nin orog kahamis na mga giromdom, su fiesta na nagpapagiromdom kan énot na paghiling nin pagkamoot na ipinadara nin la- ngit sa dagd, an bangging iyan na an gabés na mga angkos na cristiano, nagkakaraon, nagiirinom, nagsa- sarayaw, nagngingirisi, nagkakarawat, nagmamara- halan, naghaharadokan... an bangging iyan, na sa mga bansang malipot makadadagka sa pagkaaki kaiba an pinagtotodan na kdhoy na pino, pané nin mga ilaw, mga mufieca, mga dulce asin mga oropel, na pinaghihiling nin mga matang nasusuriaw na pinanalmingan kan pagkadaing-alamaam, daing ibang inadlay ki Basilio
