36
oleo na pinipinta nin mga pintor sa Pacó asin sa Ermita na minaladawan nin mga martirio nin mga santos, mga milagro kan Mahal na Virgen, asin iba pa; si Santa Lucía na may dara sa bandeja na duwa pang mata na may pirok asin kiray, siring sa nakikitang napipinta sa triangulo kan Kabanalbanaleng Trinidad okun sa mga sarcofago (47) sa Egipto; si San Pascual Bailén, si San Antonio de Padua na may habitong guingon, naghihibing pinaghihilinghiling an sarong Niño Jesús na nagugubingan nin sa Capitan General, tricornio, sa- ble asin borsegui siring kan sarayaw kan mga aki sa Madrid: an siring na bagay sa ki Capitan Tiago na- ngangahologan na minsan idugang nin Dios sa saiyang kapangyarihan an sa Capitan General sa Filipinas, sa giraray pagkakawatan sya kan mga franciscano siring sa sarong mufieca. Nakikita man an sarong San An- tonio Abad na may kataid na orig, orig na sa pagtubod ni Capitan Tiago milagroso man gayo siring mansana kan sinabi nang santo, nin huli kaini dai sya nanganga- has na omapod kaito nin orig kundi ataman ni San Antonio; sarong San Francisco de Asis na may pitong pakpak asin de café an habito, sa ibabaw nin sarong San Vicente na daing ibang pakpak kundi duwa, alagad may dara man na torotot; sarong San Pedro Martir na an payo binatak kan minasbad nin sarong malibon, na nakakaptan nin naglolohod na sarong dai bonyag, sa kataning nin sarong San Pedro na nagpapalong kan talinga nin sarong moros, na daing duwaduwa kundi si Malco, nakakagat su ngabil asin nagpoporopiripit huli kan kolog, alintanang nagtotoraok asin nagkaka- lapkalap an sarong lalong na nagtotogdon sa moog, dig- di sindsalom ni Capitan Tiago na sa pagkani banal iyo mansanang magbatak asin pagbatakon. Siisay an makakapagsaro-saro kan pangkat na ito nin mga san- tos asin makapagsabi kan mga karahayan asin mga ka- banalan na mga naririmpos duman? Magkukulang an sarong kabtang na isurat nyamo. Alagad dai mi lilihisan an sarong magayon na longon (48) ni San Miguel na dorado asin pintadong kahoy, na haros sarong metro an langkaw: nakakagat kan arcangel su saiyang ngabil, su mata naglalaad, korondot su angog asin mad- yambong su pisngi; may kapot na kalasag asin su kamot na totoo may hukbit na cris na joloano na handang iligad sa devoto okun sa kiisay man na do-
