man, bantog na bulangan asin an mga bagay na nagigiromdoman niya, dai minakilang sa duwang bulan an taon an saiyang ipinagdadanay duman.
Kadakol kan mga sadiri ni Capitan Tiago sa Santo Cristo, sa kalle nin Anloague asin sa kalle Rosario. Siya asin sarong intsik an may kontrata dapit sa apian, asin dai kaipuhan na sabihon na dakulaon an nakokoa nindang mga pakindbang. Siya an nagpapakakan kan mga bilanggo sa Bilibid, asin nagtatao nin sakate sa dakol na mga kasas prinsipales sa Manila, huli sa mga kasondoan, sukat saboton. Marhay an boot niya sa mga may Kapangyarihan gabos, gabos, madadarahon asin mapangahas kun manonongod sa pagogid dapit sa mga pangangaipo nin kapwa, siya sana asin daing ibang katakot-takot na kaagaw nin saro katawo na Pérez an pagngaran dapit sa arienda, asin subasta sa mga kargo asin empleo na sa giraray sa mga particular kan pamahalaan nin Filipinas. Tara kan mga pangyayaring ini, si Capitan Tiago mamongaya kun mahimong magmongaya an sarong tawong sadit an bagolbagol sa mga dagan ito; mayaman, marhay an boot sa Dios, sa pamahalaan asin sa mga tawo.
Marhay an boot sa Dios daing duwaduwa, haros dogmatiko; dai nin dahélan sa pagkaigwa nin masinpil na boot sa marhayon na Dios kun an saro nasa marhay na kamugtakan sa ibabaw nin daga, kun sagkod pa man dai naki-atubang Saiya, asin dai man niya pinautang nin kuwarta. Dai sagkod ominarang Saiya sa saiyang mga pangadyeon, minsan pa sa makuri niyang pangangaipo; mayaman siya asin ipinamibi siya kan saiyang kuwarta. Sa mga misa asin sa mga rogativa an Dios naglalang nin mga mapangyari asin mga maabhawon na mga padi; sa mga novena asin sa mga rosario, an Dios sa saiyang daing sdkol na pagkamaugayon naglalang nin mga dukha sa karahayan kan mga mayaman, mga dukha na sa halagang pisos makakapangadyé nin kag-anom na misterio asin makabasa kan gabos na mga librong banal pati kan mga Banal na Kasuratan sa Hebreo, kun dinodugangan an bayad. Kun sa saiyang dakilang kasibotan magkaipo nin mga langitnon na tabang, asin dai makatuklas sa mga hidaleng iyan nin mapulang kandilang sa intsik, dangan minaarang sa mga santos asin mga santas na saiyang pinagootoban, dakol na mga bagaybagay an saiyang ipi-
