354
magpodn duman itinataltag kan Kapaladan sa mga angkos mga ngisi o mga luhé, mga karakanan o kago- toman.
Kan paglaog niyamé samuya nang nakita su Gober- nadorcillo, si Capitan Pablo, si Capitan Basilio, si Lucas, su tawong may pinilaan sa pandok, na nagmdndo nin makuri huli kan pagkagadén kan saiyang tigang.
Domindélok si Capitan Basilio sa saré kan mga dudu- man asin naghapot:
“Tatao ka kun anong manok an dara ni Capitan Tiago?”
“Inda pd, sefior, ngunyan na aga inabtan siya nin duwa, saréd kan mga ito su sarab na nakadaog kan talisayon kan Consul.”
“Paghoné mo malabanan daw ito kan sakong bako- ngon?”
“ISa ganan ko sana! Ikakasi ko an sakong harong pati an sakong gibing!” Kan horas na ito nagdadanga- dang si Capitan Tiago. Su saiyang panggubingan, si- ring kan sa darakilang parabolang, bado na lienzo na Canton, pantalon na de lana asin kalé na jipijapa (63-a). May kasunod na duwang sorogoon. Daradara su sarab asin sarong dakilang manok na ogis.
“!Sinabihan ako ni Sinang na nagrarahay na si Ma- ria!”’ an sabi ni Capitan Basilio...
“Dai nang lagnat, alagad maluya pa.”
“Nadaog ka kasubanggi?”
“Kadikit, isi kong nanggana ka... hilingon ko tibéad makabawi ako.”
“Muya mong ibilang an sarab?” an hapot ni Capitan Basilio na hiniling su manok, na hinagad sa sorogo6n.
“Kun igwa nin kasi.”
“Pira an ipoposta mo?”
“Kun kilang an duwa, dai ko ibélang.”
“Nakita mo su sakong bakongon?” an hapot ni Capi- tan Basilio asin inapod an saré katawo na may darang sadit na manok.
Pinaghilinghiling ito ni Capitan Tiago, asin paka- gingina asin pakatapus na mapangiskis ito iinuli.
“Pira an saimong kasi?” an saiyang hapot.
“Su muya mo.”
“Duwa asin limang gatés?”
“Tolo?”
“!Tolo!”
