346
potan nin venda na may dugé; kun niyamé aram na ito lungib nin mga tulisan, makakasabi kami sa pagka- basa niyamo kan pagkawara nin paglaom sa lawog kan gurang, na iyo ito su Torre del Hombre kan vispera kan pagkaon ni Ugolina kan saiyang mga aki.
Nagpangtirindog su mga lalaki pagdatong ni Elias asin kan kanoré, alagad nagkatiriwasayan sa sarong pasabot kan kanoré, na siniyasat na lamang su pilo- to, na dai nanggad nin hamo.
Luhaylihay na sominalingoy su gurang asin nakita niya su tindog ni Elias, na nagmamasid saiya tokas su kal6, tagob nin kamondoan asin interés.
“Tka?” an hapot kan gurang na kan mamidbid su hagbayon, rominoroliwanag su paghiling.
“tAno nang kamugtakan ini nindo!” an sabi ni Elias sa malihay na tingog asin nagkikirikiri.
Daing girong na dominoké su gurang, pinasabot su mga tawo, na nagpanirindog asin nagharale, pakatapus pakapasalimbadi su tindog asin lawason kan piloto.
“1!Oh6!” an sabi kan gurang ki Elias kasu sinda na sana; “igwa nang anom na bulan, kan pasakatan ko ika sa sakong harong ako kaito an nahérak saimo; ngunyan liwat an kapaladan, asin ika an nahehérak sa- kuya. Aldgad tikaw, asin sabihi ako kun paanong nakaabot ka sagkod digdi.”
“Kan maaraman ko su nangyari saimo may mga kaglima nang aldaw,” an simbag kan hagbayon sa lu- haylihay asin sa hababang tingog, na pasiring su pag- hiling sa ilaw; “tolos mansana naglakaw ako asin hina- nap ko ika sa kaboboldan haros duwang lalawigan an sakong nalibot.”
“Tanganing dai makapagpabolos nin dugong daing sala, nangaipong dumulag ako; tarakot na humampang su sakong mga kaiwal asin pinaatubangan lamang ako nin mga tawong makautigay na dai sako nagpakaginibo nin ano pa man na karat-an.”
Pakalihis nin sarong halipot na édong na ginadmit ni Elias sa pagbasa kan mga kaisipan sa malipungaw na lawog kan gurang, nagsimbag.
“Napadigdi ako sa pagmokna saimo nin sarong ba- gay. Mantang sayang su sakiyang pagparahanap nin natatadé pang kasapi sa angkos na ginikanan kan pag- kapahamak kan saktiya, hominolaw akong humalé sa sakong pinagoontokan na lalawigan, tanganing omola-
