259
“Hare kahandal,” an simbag kan hagbayon na baga may kamondoan su tingog; “Aram ko na pinagodsig ka, alagad baké akong paraboyagyag nin sala.”
“Bakong huli sakuya, bakong huli sakuyaé!” an sabi
ni Elias na may kaibang kabuhayan asin kaabhawan; “huli | saimo; dai akong anong ikinatatakot sa mga tawo”’. Nagorog su pagtaké kan satong hagbayon; su tanog kan pagtaram kan taga nayon na ito na piloto kan énot, bago asin garong daing pakalabot sa saiyang ka- mugtakan siring sa saiyang kapaladan.
“Ano an boot mong sabihon?” an saiyang hapot na siniyasat kan saiyang paghiling an tawong ito na dai masayodan.:
“Dai ako nagtataram sa pamamatahaw nin mga ba- gay na masakit masayod, hinihinguha ko na maging malinaw an sakong itindtaram. Sa orog mong paka- hiwas sa panganib, kaipuhan na akalaon kang aliwalas asin magtiwal4 an saimong mga kaiwal.”
Seminibog si Ibarra.
“An sakong mga kaiwal. May mga kaiwal ako?”
“Igwa po kita gabés, sefior, magpoon sa pinakasaday na lumalayog sagkod sa tawo, magpo6dn sa pinakadukha sagkod sa pinakamayaman asin pinakamakapangyari- han! An pagkaigwa nin kaiwal, iyo an katogonan nin kabuhayan!”
Daing girong si Ibarra na hiniling si Elias.
“!Bak6é kang piloto, bako ka man taga nayon...” an sabi sa hababang tingog.
“Iowa kang mga kaiwal sa mga haralangkaw asin mga harababang kalikosan,” an padagos ni Elias na dai magmangno kan mga tataramon kan hagbayon; “dakt- lang bagay an saimong minomokna; igwa ka nin naga- ging panahon, su saimong apd may mga kaiwal, ta nag- kaigwa sinda nin mga pakamaté, asin sa buhay bakong an mga maliwag an mga nakakasadol nin kaongisan, kundi an mga tawong may dangog.”
“Mga midbid mo an sakong mga kaiwal!”
Dai tolos sominimbag si Elias asin nagisipisip.
“Sar6 an midbid ko, su nagadan,” an simbag. ‘“Ka- soodmang banggi natuklasan ko na pinaghohomaan ka niya, huli sa nagkapirang katagdé na pinag-olayan saka nin sarong dai midbid na nawara sa kadikloman.” Ini dai makakaon kan mga sira na siring kan saiyang ama;
