230
“Pinadudusahan siya kan Virgen nin Katiwasayan!” an sabi sa hababang tingog kan mga Hermanas kan Santisimo Rosario, na mga dai nakapagpatawad saiya huli ta ominapling sa saindang mga kalaban.
Pag-ikawalong horas may kabanga lominuwas su procession sa lindong kan tolda na lona. Siring man giraray kan kasuhapon, minsan ngani igwa nin kabag-ohan su Hermandad kan Venerable Orden Tercera, mga lalaking gurang, mga babayeng magurang asin nagkapirang daraga na ginurang su lakaw, haralabang solot na guingon su nakakasorolot; su mga daing sikat mga bastos na yamit su mga habitong nagkakagurtbing, su mga mayaman sukla (361), o su pigaapod na guingon franciscano, ta iyong orog na ginagamit kan mga Gaga-langan na mga Fraileng Franciscano. Idto gabos na mga habitong sinanglitan anas na tinay na gayo, haralé sa convento sa Manila, saen ilinimos sa mga tawo, karibay nin kuwarta pri fixe (862) kun ooyonan an kataga nin tataramon sa sarong tindahan. An tinalaan na ining halaga mahihimong dugangan, alagad dai mangyayaring inaan. Siring man kan mga habitong ini igwa man nin mga ipigpapabakal sa sinabi nang convento asin sa monasterio ni Santa Clara, na laen pa kan biyayang nakakamtan kan mga gadan na pinapatos kan mga iyan, igwa pa nin napapalaen na gayong biyaya na iyo an pagkaigwa nin halangkaw na halaga, kun daan nang marhay, girisi asin dai na mapakinabangan. Sisirat nyamo ini ta tibaad kun may sarong banal na nagbabasa magkaipo nin siring na mga sinanglitan na mga reliquias, okun may manglilinlang sa Europa na boot magkayaman sa pagdara sa Filipinas nin mga habitong mga sinororse asin mga maati, tara naghahalaga nin kaganom na pisos o labi, kun parasing nang gayo.
Si San Diego de Alcala nasa sarong carro na sinamnohan nin mga pinilpig na mga makikintab na pirak. Mabansay asin kagalanggalang su pamandok kan gading na lawason kan Santo, minsan ngani kaniguian na mga kirikot na buhok siring kan sa mga agta. Su saiyang gibing sarong raso na binordahan nin bulawan.
An kagalanggalang na samong Amang si San Francisco kasunod kan Virgen siring kasoodma, an kalaenan lamang ta su. padding napapalyohan iyo si Padre Salvi asin bakong su mabaskog na si Padre Sibyla na ma-
