Page:Halayo kanimo! (microform) (IA aqh7545.0001.001.umich.edu).pdf/38

════════════════════════════════════════════ ✿✼✿✼✿✼✿✼✿✼✿✼✿✼✿✼✿✼✿✼✿✼✿✼✿ ✦~✧~✦~✧~✦~✧~✦~✧~✦~✧~✦~✧~✦~✧~✦ ✿✼✿✼✿✼✿✼✿✼✿✼✿✼✿✼✿✼✿✼✿✼✿✼✿ ════════════════════════════════════════════

ANG IMONG LARAWAN

Kung makalilingawng pagasud-ungon
ang mga bulak sa usa ka tanaman,
labing makalilingawng pagatan-awon
kanang makabibihag mong larawan.

Kung maanyag na man si Venus ug Judith
nga ginainong dili gayud hilabwan,
labing dili tupngan bisan diing dapit
kanang makabibihag mong larawan.

Wala na akoy uban nga ikapamulong
sa pag-ingon: ¡o langitnon ug maambong
kanang makabibihag mong larawan.

Makakuha niining tanan: kapaitan,
kalaay, kagul-anan ug kasub-anan
(kanang makabibihag mong larawan)