alma daǥoitaǥa.
7 Audogasak dak læk, gæi rikkomak andagassi addujuvvum læk, ja gæi suddok gofčujuvvum læk.
8 Audogas dat olmai, gæsa hærra i loǥatalla suddo.
9 Gullago dalle dat audogasvuotta dušše fal birračuoppatussi, daihe maida auddalikkai? alma mi cælkkep, atte ossko lokkujuvui Abrahami vanhurskesvuottan.
10 Moft lokkujuvui dalle? go birračuppujuvvum læi, daihe go auddalikestes læi? i go birračuppujuvvum læi, mutto go auddalikestes ain læi.
11 Ja birračuoppatusa mærka son vuosstaivaldi nanostussan dam osko vanhurskesvuođa ala, mi sust jo læi, go birračuopakættai læi: vai aččen son galgai læt buok daidi, guđek osskuk, josjoge si birračuppujuvvum æi læk, — vai vanhurskesvuotta maida sigjidigis lokkujuvvuši, —
12 ja vai maida birračuppujuvvumidi aččen son saddaši, sigjidi, guđek æi dušše fal birračuppujuvvum læk, mutto guđek maida vagjolæmen læk dam osko luodai mield, mi ačestæmek Abrahamest jo læi, go birračuopakættai ain læi.
13 Dastgo i laǥa boft dat loppadussa addujuvvum Abrahami ja su sokki, atte son mailme arbbit galgai, mutto osko vanhurskesvuođa boft.
14 Dastgo jos si, guđek laǥa bællai ječaidæsek adnek, arbbijægjek læk, de ossko læ duššalaš, ja loppadussa duššen dakkujuvvum læ;
15 dastgo lakka rangaštusa adda, dastgo gost i læk lakka, ige dast læk rikkom.
