balvvalægjek dam audast doarrom, amam Judalaǯai gitti mon šaddat addujuvvut; mutto dal i læk muo valddegodde dam mailmest.
37 De celki Pilatus sunji: alma gonagas don dalle læk? Jesus vastedi: don dam cælkak, atte gonagas læm. Dam varas mon rieǥadam, ja dam varas mailbmai mon boatam læm duotvuođa duođaštet. Juokkaš, gutte duotvuođa olmuš læ, gulla muo jena.
38 Pilatus sunji celki: mi læ duotvuotta, ja go dam læi cælkkam, de manai son fastain olgus Judalaǯai lusa, ja sigjidi celki: im gavna maidegen aššid su duokken.
39 Mutto dist vierro læ, atte ovt digjidi mon bæstam bæssačin, aiggobættet di nabbo dalle mon dam Judalaǯai gonagas digjidi bæstam?
40 De si buokak fastain čurvvu, ja celkke: ale dam bæste, mutto Barrabas; mutto Barrabas rievvar læi.
19. Kapittal.
1 De valdi damditti Pilatus Jesus, ja addi su rissijubmai.
2 Ja soatteolbmak kruono bargedegje basstelis lanjain, ja su oaivvai bigje ja purpur biftas su birra bigje, ja celkke:
3 Burist dunji, don Judalaǯai gonagas! ja duorsskalegje su su njalme vuosstai.
4 De manai Pilatus fastain olgus, ja sigjidi celki: gæč, mon doalvom su dek olgus din lusa, vai di diettebættet, atte im mon gavna maidegen
