tom vuoiŋak olgus vulgge, ja spini sisa manne; ja ællo viltest vuolas ruotai javrrai, — mutto lakka guoft duhat legje — ja si javrrai hævvanegje.
14 Mutto spinid gæčček bataradde, ja baikest ja daloi sist dam muittalegje; ja si botte gæččat, mi dappatuvvum læi.
15 Ja si Jesus lusa botte, ja su, gutte bostatuvvum læmaš læi, si oidne čokkamen, ja garvodam ja čielgga mielai, nabmalassi su, gæst legio læmaš læi; ja si suorgganegje.
16 Mutto guđek oaidnam legje sigjidi muittalegje moft bostatuvvumi ja spinidi dappatuvvum læi.
17 Ja sust si adno sin guovlostæsek erit vuolgget.
18 Ja go skip sisa manai, de son, gutte bostatuvvum læmaš læi, sust anoi su lut orrot.
19 Mutto Jesus i mieđetam sunji dam, mutto sunji celki, vuolge goattasad, goađe olbmuidad lusa, ja muittal sigjidi man stuorra daǥo hærra dunji dakkam læ, ja atte son læ armetam du.
20 Ja son vulgi, ja Dekapolisist riemai muittališgoattet, maggar stuorra daǥo Jesus su vuosstai dakkam læi; ja buokak ovdušegje.
21 Ja go Jesus skip mield fastain dom bællai mannam læi, de ædnag olbmuk su lusa čoagganušše; ja javre gadde gurast son læi.
22 Ja gæč, muttom synagog oaivamuš bođi, gæn namma Jairus læi; ja go son oini su, de su ouddi son čibbides ala manai.
23 Ja sagga adnogođi sust, ja celki: muo ucca nieidaš aige gæčest jo læ; vare don boađašik, ja
