gattim olbmuk, vuolgget ja gattijækket buoremusat go diettebættet.
66 Mutto si vulgge, ja havde buristrakkan gattijegje, go sigillim si legje gæđge.
28. Kapittal.
1 Mutto go vakko vassam læi, ja nubbe vako vuostemuš bæivve čuvgudišgođi, de Maria Magdalena ja nubbe Maria bođiga havde isskat.
2 Ja gæč, stuorra ædnam duorgastussa šaddai; dastgo hærra engel almest vuolas bođi, loaidesti lusa, ja gæđge uvsa audast erit fierralatti, ja dam ala čokkani.
3 Mutto su habme nuftgo aldagas læi, ja su bivtes vielggad nuftgo muota.
4 Mutto gattijægjek doargestegje balo ditti sust, ja šadde dego jabmam.
5 Mutto engel vastedi, ja nissonidi celki: allet di bala! dastgo dieđam, Jesus, dam russinavllijuvvum, di occabættet.
6 I son læk dast; dastgo bajasčuoǯǯelam læ, nuftgo celki. Boattet dek, oaidnet saje, gost hærra oroi.
7 Ja vulgget hoapost, ja su mattajegjidi cælkket, atte bajasčuoǯǯelam son læ jabmi lut; ja gæč, din auddal Galilæai son manna, dobbe di oaǯǯobættet su oaidnet. Gæč, dam mon digjidi læm cælkkam.
8 Ja hoapost soi havde sist vulgiga, baloin ja stuorra iloin, ja viekkaleiga su mattajegjidi dam cælkket.