Page:Fluors alpinas.djvu/97

From Wikisource
Jump to navigation Jump to search
This page has been proofread.


Ils sains planschaivan nellas uras senchas
Per te plandschaivan, cher, a mort plajo;
Il vent cridaiva traunter secha rarama:
»Dalöntsch ün cher bainbod vain interro!«

Chi moriro, am dschaiva, chi mê crouda?
Üngün svelo quel di m'ho l'avegnir!
Ma l'oter di pürmemma gnit la nouva,
Cha tü non eirast pü, bain greiv il dir!

Greiv momaint.

Eau stögl partir, ameda;
Tü mia nun poust dvanter!
Prometta'm in quaist' ura
Cha tü nu'm voust smancher!

Divis da te per saimper
Pürmemm' am voul la sort!
Divis da te, bainvgnida
Am füss la fraida mort!

E scha la mort am clama,
Duos fluors conced' a me;
Be üna larma püra
Per chi morit per te!