This page has been proofread.
Il cling dellas dudesch rimbomba;
L'an vegl dalla terra sparit;
L'an vegl ais crodo nella tomba,
Sco sömmi nel spazi svanit.
Aurora.
1883.
In dutscha, plaschaivl' armonia
Salüdan ils sains il nouv an;
Ch'el semna la pêsch sün sa via;
Slontauna da nos tuot ingian.
Dels fos pregüdizis ch'el rumpa
Las rinclas chi'ns tegnan lios;
La naira fossdet nun corrumpa
Ils sems our appaina prüos,
Guandagia ma val, l'Engiadina,
D'disgrazias, discordia, da led;
Avder fo in ella adüna
Il spiert della libra vardet.
