Page:Fluors alpinas.djvu/53

From Wikisource
Jump to navigation Jump to search
This page has been proofread.


»Tü posast chera nel sunter'!
M'impais, t'he lönch smancheda!
Üngün non po pü brich m'amer,
T'aviand eau ingianneda!«

Ün sömmi nosch, zuond trid s-chodet
Ma povra fantasia;
Üngün al muond mê ingiannet!
E main te, dutsch' amia!

Allegri!

Smaunch' il led e la fadia;
Cour, mieu cour, perche crider?
Tuorna, tuorna l'allegria;
Que chi paina stoust smancher!

Güvla pür! Cuort il viedi
Ais in terra! Legers stain!
Containtezza ais rösedi,
Chi sandet in se contain.


1868.