This page has been proofread.
E fraidamaing quel marmel bain demuossa
Cha fraida orm' allo repos chattet,
Cha pü splendur transpira d'üna fossa,
Chi d'pochas fluors ün maun amih ornet!
La fama püra monumaint ans pina,
Chi dür' eternamaing e mê ruina!
Alla festa da chaunt a Ponte.
Chantunzs, il scruosch della lavina,
Chi tuna tres il laviner,
Ais d'prümavaira vusch divina
Chi ans invid' a dutsch chanter.
Da liberted chanzun sublima
Rimbomba tres ils munts e val,
In dschand in püra, libra rima,
»L'Engiadinais non ais vasal!«
Dels munts otissems la coruna
All' estra terra clarna cler:
»Il liber dret co tschainta, truna
E sainza macla voul rester!«
