Page:Fluors alpinas.djvu/39

From Wikisource
Jump to navigation Jump to search
This page has been validated.

Dolorus' algordaunza.

T'algordast auncha quella saira,
Cha eau da te pigliet cumio?
Vzet vi al tschel 'na nüvla naira
A s'inultrer suraint nos cho.

O quella nüvl' ans füt fatela;
Zieva vainch mais, ah trista sort!
Ma chera mamma eir' in bela
E tieu bun bap, pür memma, mort.


1872.

Ais stret utuon?

Ais stret utuon? am dumandaiva,
In vzand la val cuverta d'naiv,
In vzand cha glatsch brillant ornaiva
Ils pins, ils larschs, del üert la saiv.

Ais stret utuon? am dumandaiva,
Pü nun udind nel god chanter;
La massa d'corvs, chi ot cratschlaiva
Sco funerel in vzand passer.