Page:Fluors alpinas.djvu/37

From Wikisource
Jump to navigation Jump to search
This page has been validated.

Stervera d'amur.

Ün bel passler am quintet,
Cha tü est inamuro,
Cha tieu cour, sco ün crivlet
D'püssas fouras ais orno.

Cha cur fermamaing do vent
E nu's po ster our dadour,
Tschüvla el a fer spavent
Tres las fouras da tieu cour!

Guard' amih da spert suglier
Quellas fouras sco convain;
La stervera poust clapper
Nun fand que tü bod e bain.

La sterver' al cour ais mel,
Ch'üngün meidi so guarir
Lo non güda serviziel,
Ne masdin', ün stu morir!

Fo dimena sco cha di:
Quellas fouras suoglia, voust
Auncha löng, mieu bun amih,
Baiver vin e manger rost!