Page:Fluors alpinas.djvu/117

From Wikisource
Jump to navigation Jump to search
This page has been proofread.


Chi ais la giuvna, chi dasper chamina
A quel ferm vegl, chi per' ün mez mastrel?
Que ais sa figlia, la pompus' Adina!
O rer tesori chi nun ho eguel!
O fortüno Signur da Guardaval,
Chi telas fluors posseda nella val!

E quella flur il rich chastlaun avaiva
Desidero, desideraiva bain
E sia la fer cun brama giavüschaiva,
Sco aivla l'ögl sün la culomba tain;
Avaiva dit suvenz a sieu cour nair,
Ella stu esser mia, stögl l'avair!

E legramaiug intaunt la compagnia
Aint in la val da Lavirun entret
E chatscha richa fet lo la nöblia,
Fin cha la saira dutschamaing rivet;
Il raig del di cun raz chi vo morind,
La pizza d'purpur pür vo colorind.

E gio dal munt, o oda da scossetta
Mügir, o oda ils sampuogns clinger
Ed il pastret, chi chaunta chanzunetta,
Chi gio resuna tres il laviner;
Un dutsch concert, bain simpel, elevant;
Ils contadins a chesa vaun turnand.