This page has been proofread.
Rich ignorant.
Ün mez miliun bain velan
Tieus vasts possedimaints
E quasi taunt sgür velan
Tas chesas, tieus armaints.
Immensas summas velan
Tieus möbels richs e bels,
Tas schlittas, tas charozzas,
Tas chabgias, tieus utschels.
Tü be in tel richezza,
Cha Dieu at dett' agüd!
Be tü, mieu Giöri, craja'm,
Nun velast ün sternüd!
Fandrina.
Scha ün at vezz' in négligé,
Fandrina, temma fest;
Ün verificha, schilafe,
Ch'ünguotta tieu nun hest!
