Page:Fluors alpinas.djvu/104

From Wikisource
Jump to navigation Jump to search
This page has been proofread.

A ........

Ta rim' ais grassa sco la sundscha
D'ün salv onur bain inverno
Ed ogni cour bain aint ell' undscha
Ch'indigestiun sgür clappero.

Eir ais sco giuotta res-chodeda,
Chi mel il vainter fo clapper,
Sco our d'na coppa mellaveda,
Our da tieu cour vain il rimer!

Un cher pêr.

Il prüm an cha spus eau eira
Cun Babina, poss gürer,
Cha la matta m'eira chera,
Chera, cher' a la maglier!

O l'avess allur' maglieda,
Schi eau duonna nun avess!
Nun füss l'hom d'la melprüveda,
Chi füss bain sch'ün la copess!