Page:Flolemil poedotas nugänik.djvu/23

From Wikisource
Jump to navigation Jump to search
This page has not been proofread.

5.
Levip deila.

Löfob-la fegolön: äs lulit takedik,
aso suflamom sol fino vävendelo,
das deil rivomös obi ko nam zadik,
das oseflumös blud oba nenotliko.

Löfob-la fegolön: äs stel bal golüdik,
ko stal panebleköl, nidöl lefulniko;
disön leigo in sila dib yulibik,
ko dol vo! nemödik, depubön stiliko.

Löfob-la fegolön: äs väp svidik flola,
kel lüvom gleköpi dekik, pamaniföl,
ed in vüm pelodöl ko smeladins luta
suixänom al God, äs glüsmok lesmoköl.

Löfob-la fegolön: äs töfil nebela,
if rivom omi ko flam nelümik gödel,
e vio ba omi odlinom stol sola:
God! if ädlinol-la lani oba tudel’!

– 23 –