kan mga Padi na si Don Mariano GOMEZ (85ng taón), si Don José BURGOS (30ng taón) asin si Don Jacinto ZAMORA (35ng taón).
BINIRITAY SA BITAYAN SA BAGUMBAYAN, kan Febrero 28, 1872.
Sa pakisúhay kan Katinubdan na halean nin halaga an saindong pagkapadí, ibinugtak sa pagduwaduwa an salá na ipinagsahot saindo; sa pagpaliboti kan Pamahalaan nin misterio asin kadikloman an habla saindo, minagibo na paniwalaan an sarong kamalean, na naginibo sa mga makahahandal na mga hidalé, asin an bilog na Filipinas, kan igálang an saindong giromdom asin kan apodón kamong mga mártin, dai nanggad minámidbid kan saindong pagkasalá.
Kun síring, sagkod na dai mapaliwanagan na gayo an saindong pakalábot sa kariribukan sa Cavite, maging mga makibanwaan kamo o bakó, nagrimpós man kamo o dai nin mga kamatean dapit sa katanosan, mga kamatean mánongod sa pakahilwas, may katanosan ako na idúsay saindo an sakúyang gibo bilang mga víctima kan karatan na boot nyakong labanan. Asin alintanang hináhalat nyamó na sarong aldaw isusulit kamo kan España sa dati nindong kamugtakan asin dai suma-igwa nin kabtang sa saindong pagkagadán, an mga buklit na iniho maging lawat na potong nin mga aralang na dahon sa ibábaw kan saindong dai pinagaaramán na mga linobngán, asin ito gabós na dai nin mga háyag na mga katibayan magrangsá kan saindong giromdom, madigtaan logod kan saindong dugó an kamot!
- JOSÉ RIZAL
