277
Totoo ngani na pinatanidan kan cura sa pari’oquia si Padre Irene na nagadan si Capitan Tiago daing kumpisal, alagad su marhay na padi, mapangologolog na nakahoyom, kinirikisi su punta kan dongo asin suminimbag: “Ngata ta isasabi mo sako !an mga bagay na iyan! kun isusuhay nyato an pagdapit sa gabos na magadan na dai nagkumpisal, magpapakalingaw kita kan De profundis! (381) An mga kahigpitan na iyan, siring sa talastas mong marhay, sinosonod kun an dai nakapagsolsol dai man nin ikakabayad, alagad !ki Capitan Tia go!... !Asus! mga intsik na mga dai bonyag saimong irinolobong asin may misa de requiem!” Nginaranan ni Capitan Tiago na albacea asin ejecutor kan saiyang testamento si Padre Irene, asin kabtang kan saiyang mga dai-tibaad ipinamana nya sa Santa Clara, kabtang sa Papa, sa Arzobispo, sa mga Corporaciones religiosas, nagwalat nin duwang polong pisos sa matricula nin mga estudiante na mga daing sukat. An huring ining katogonan ipinaguhit sa mokna ni Padre Irene, bilang paraampon kan mga bagongtawo na mga mahigos magadal. Pinawaraan ni Capi tan Tiago nin halaga an pamanang duwang polo may limang pisos na iwinawalat ki Basilio, huli kan mapasaluib na gawe kan hagbayon kan mga huring aldaw, alagad isinulit ni Padre Irene asin saiyang ipinatalastas na kokoahon ito sa saiyang bolsa asin sya an maninimbagan kun ito maging kasal-an. Sa harong kan gadan, na kan sominonod na aldaw dinalaw nin mga dating kamidbid asin mga kaugay-ninboot, pinagorolayan na gayo an sarong gibong-ngangalasan. Sabi kan hidale mansanang naghihingagdan, su kalag ni Capitan Tiago napahiling sa mga monja, palibot nin masagang liwanag. Iliniligtas sya nin Dios, salamat sa dakol na saiyang mga pamisa asin sa banal na pamana. Pinagkomentar su huringhuding, iginoguhit, pinagdetalyar, asin dai lamang nin nagduwaduwa. Pinagsaysay su gubing ni Capitan Tiago, garoto su frac, botog su limogmogan huli kan pinagsasapang buyo, dai nalingawan su pipa sa pagsigarilyo nin apyan siring man su lalong na ibulang. Su sacris tan mayor, na itoon man sa pagiriba nagpapatotoo huli sa hiro kan saiyang payo, asin naghohona na, gadan ito, mapahiling na dara su saiyang sarong tasang taju na
