49
Ug sa tinan-awán nga masulub-on gisagnunotan niya ang tutuló ka hari nga nanglakaw na. Sa luyó nanagsunod ang mga bata sa duroha ka talay nga nanag-akob, pulós masulub-on, nanagligdong daw pinugós pag pakuyog sa pasunding. Ang ubán nanagbitbit ug mga sugá nga huepe, ang ubán mga kandila ug ang ubán usab mga parol nga papel tinaod ug mga lipák nga kawayan, nangadye sa rosario nga nanagsinggit daw adunay tawo nga giaway. Unya misunód si S. José tinungtong sa usá ka andas nga walay dayandayan, dalá ang usa ka panagway nga subó ug mapahiuyonon, nagabitbit ug sungkod nga binutangán sa tumoy ug mga bulak sa asusenas ug gitaliwala sa durohá ka sibil sama sa usá ka dinakpan; naka- sabút na karon ang kotsero nganong nagasubó diay kadtong santosa. Ug tungud ba kahá kay nahasi siya sa pagkakita niya sa mga sibil, kung tungud ba kay wala gayud siya magabatón ug pagtahud niadtong santos nga daw dinakpan, wala siya ma- ngadye bisan usá na lamang ka requiem aeternam. Sa luyó ni S. José nanagsunod ang mga batang babaye nga apod ug mga sugá, pinandongan ang úlo sa usá ka panyo nga gibalighot sal ilalum sa suláng, nangadye usab ug rosario bisan dili na kaayo sila masuk-anon sama sa mga batang lalaki. Sa taliwala adunay pipila ka bata nga nanagguyod ug mga "conejo" nga binuhat sa papel sa Hapón, sinug-an ug mga kandila nga mapulá ug na. nagtuybo ang ilang ikog nga binuhat sa mga papel nga ginun- ring. Ang mga bata mangubán sa pasunding dalá kadtong ilang mga dulaan aron pagsadya sa pagkatawo sa Mesías. Ug kadtong mga mananap nga gagmay, matambok ug malingin sama sa itlog daw nangalipay usab kaayo kay takulahaw lamang manglukso silá, notakilid, mangapukan ug mangasunog; ang tag-iya mo- duol aron pagpalong, mohuyóp ug makadaghan ug mapalong lamang kadtong siga sa kalayo human sa daghang mga bunal nga madawat intawon sa alaut nga mananap, ug ang bata nga tag- iya, inigtan-aw nga magubá na ang iyang dulaan, dili lamang panghibaloan nga mohilak. Ang kotsero nagapaminaw sa da- kung kasubó nga ang kaliwatan sa mga mananap nga binuhat sa papel nagakaanám ug kawagtang matagtuig, daw pagadanga- non usab sila sa kamatay sama sa mga mananap nga buhi. Si Sinong, kadtong gikulata sa mga sibil, nahinutndom sa durohá niya ka kabayo nga pulós maanindot nga aron dili takdan sa kamatay gipabenditahan niya sumala sa gitambag kaniya sa kura,
