44
buroka, matud nila, napilde na, ug ang pagkaluoy sa usa ka kaaway sa mga prayle maoy pagpasagubang sa ilang mga panimalus. Sa katapusan, usa ka biyata nga tigulang naluoy sa kahimtang sa dalaga, mipahulam sa salapi nga gikinahanglan samtang si Juli mopabilin sa iyang balay, magaalagad kaniya samtang dili pa kabayran ang utang. Si Juli usab wala may dag hang buhat didto: Pagtahi, pagpangadye, pag-uban-uban kaniya kon mosimba ug pagpuasa usahay pinahinungud sa iyang agalon. Ang dalaga misugot nga nagahilak, gidawat niya ang salapi ug misaad nga sa pagkaugma, adlaw sa Pasko, maoy iyang isugod pag-alagad sa babayeng tigulang.
Sa pagkasayud sa apohan niadtong daw pagbaligya sa iyang kaugalingon nga gibuhat sa iyang ap6 nga pinalangga nga dili ngani niya pabularon sa init aron dill maitum ang iyang panit, si Juli nga mahamis ug mga tudlo ug adunay mga tikod nga mapula-pula, kadtong dalaga nga maoy labing maanyag sa tibuok balangay ug kaha sa tibuok lungsod, kadtong dalaga nga pagaharana-an sa tibuok nga gabii sa daghang mga ulitawo, kadtong iyang bugtong apo, bugtong anak, bugtong kalipay sa iyang mga mata nga maluyahon na, kadtong dalaga nga iyang ginadamgo nga nagasaya na, maantigo nang mosulti sa kinatsila ug magautas ug pamaypay sa usa ka paypay nga pinintalan sama sa mga anak nga dalaga sa mga dato, kadto, kadtong iyang pina langga uyamut, mosulod intawon sa pagka-binatonan aron unya kasab-an ug panuy-an, aron unya madaut ang iyang mga tudlo, aron unya intawon matulog sa bisan diin nga suok niadtong balaya ug mobangon sa bisan unsang pagkaagi?
Ug ang alaut nga apohan magautas ug hilak, moingon nga maghikog ug magpakamatay sa gutom.
— Kon ikaw mopahawa dinhi, mopauli ako sa lasang ug dili na ako mobalik pagtunob sa lungsod.
Si Juli moalam-alam kaniya ug moingon nga kinahanglan gayud nga mahiuli ang iyang amahan, nga madaug lagi nila ang buroka ug sa dili madugay malukat siya sa iyang agalon.
Kadtong gabhiona masulob-on uyamut; walay usa kanila nga nakahimo pagpanihapon bisan usa ka hungit, ug ang tigulang wala gayud mohigda ug sa tibuok gabii nagautas lamag lingkod didto sa usa ka suok, walay tingog, walay sulti, wala maglihok Sa iyang bahin, si Juli usab buut unta matulog, apan dugay kaayo
