26
subayan na hinoon ako sa “tarifa,” ug sa “tarifa” da ba gayud ni
arsobispo Basilio Sancho! wala lamang sila maghunahuna nga
glkan niadtong panahona hangtud karon, ang bill sa mga palaliton miusbaw na ug tinuod. Ha, ha, ha! Ngano man gayud
nga ang usa ka himongaan labaw hinoon ug bill kay sa usa ka
bunyag? Apan ako magpakamaut lamang, pabayron ko ang
akong mga sakop kutob sa akong mahimo ug dili gayud ako mag
mahay. Wala kami mahakog ug salapi, unsa no, P. Salvi?
Niadtong higayona maoy pagguho ni Simoun.
— Apan diin man ikaw magtago? — gisinggitan siya ni don Custodio nga nalimot .na sa iyang kasuko kaganina; — wala ka hinoon makapahimulos sa mga talan-awon nga labing maanindot ning atong panaw!
— Psh! — mitubag si Simoun nga nahisaka na; — labihan na ka daghan sa mga suba ug mga talan-awon nga akong nakita nga mao day makadani kanako kadtong mga dapit nga adunay mga “leyenda” ... ..
— Aw, kon “leyenda” ang imong tuyo, ang Pasig adunay pipila ka buok — mitubag ang Kapitan nga dili mahigugmang mamati nga tamayon ang suba diin siya magasakay-sakay ug magakabuhi. — Anaa kanang sa Malapad-na bato, usa ka pangpang nga giilang balaanon sa wala pa mangabut nganhi ang mga Katsila ug gituhoan nga maoy pinuy-anan sa mga “espiritu;” unya, sa diha nga wala nay mituo niana ug ang pangpang gisum-ok na, nahimo na siyang puloy-anan sa mga tulisan nga sa dakung kasayon manakop sa alaut nga mga bangka nga manghilabay didto ug ang iyang mga sumasakay makigbugno batok sa kasulog sa tubig sa suba ug batok usab sa mga tulisan. Unya, sa nangagi na ang ubay-ubay nga mga tuig, sa amo nang panahon, bisan kanang pangpanga glsum-ok nag tawo, aduna gihapoy ginasugid nga mga bangka nga mangalunod ug matikyaob, ug karon kon ako dili pa magamatngon uyamut inig-liko ko dihang dapita, walay duhaduha mahibangga ug madugmok gayud kining akong sakayan. Aduna pa usab ing laing “leyenda,” ang sa langob ni donya Jeronima, nga ikasugilon kanimo ni P. Florentino . . .
— Ang tanan nasayud na niana! — misulti nga matinamayon si P. Sibyla.
Apan bisan si Simoun, bisan si Ben Zayb, bisan si P. Irene, bisan si P. Camorra nasayud sa “leyenda,” ug nangayo sila nga
