372
yon, bisan gikinahanglan ang pagpasakit sa kaugalingon ug ang
paggula sa dugo sa natad sa panggubatan; samtang makita ta
ang atong mga lungsuranon, nga sa hilit sa ilang panimalay
nasubo sa ilang kahimtang, apan sa gawas nagpakahilum ug
nagdalayeg hinoon sa mga buhat sa mga malupigon; samtang
makita ta sila nga ingon ug mahadlok ug nagpakilooy sa mga
malupigon; unsay hinungdan nga tagaan ta sila sa Kagawa-
san? Anaa ang Espanya kun wala, sila mao gihapon. Nga-
nong tagaan tag Kaugalingnan ang mga ulipon karon nga
sila ugma damlag mao na man usab ang mangahimong mga
Agalon nga malupigon? Ginoo Simoun, samtang ang atong
lungsod dili pa andam, samtang siya moaway nga tinukmod
ug wala mahibalo sa iyang gibuhat, ang tanan natong himoon
mapakyas, ug maayo pa hinoon nga mapakyas, kay unsay
katarungan nga ihatag ta sa Bana ang asawa, kon kini wala niya
higugmaa ug dili siya andam sa pagpakamatay kaniya?
Hialinggatan ni Pari Florentino nga ang masakiton mipiit sa iyang kamut ug mao nga wala siya mopadayon sa pagsulti, nagpaabut nga ang masakiton motubag, apan mao day iyang nabati ang panghupaw. Ang kahilum nagpadayon sa paghari sulod sa balay. Ang dahunog da sa balud sa dagat mao day mabati. Ang Bulan, tungod kay misalop na ang Adlaw, mao nay naghari sa langit, ug ang mga kahoy sa lasang, hinuyop sa hangin, maglubaylubay ug mao rag makighonhongay sa kanila da . Sa diha nga nakita ni Pari Florentino nga wala na magtingog ang masakiton, sama sa nagsulti sa iyang kaugalingon, nagkanayon siya:
Hain na ang mga Batan-on, nga mohalad sa ilang kusog. sa ilang mga damgo ug mga pagbati alang sa kaayuhan sa ilang Lungsod? Hain na ang moula sa ilang dugo aron pag- hugas sa daghan mga kahilayan ug mga kasal-anan? Kina- hanglan nga putli ug walay buling ang Ulay aron ang iyang pagkamatay dawaton sa Kahitas-an.... Hain na kamo, mga batan-on, nga nagbaton sa kusog ug kainit sa inyong kaugatan nga wala na kanamo, kamo nga nagbatog mga hunahunang mga putli ug walay buling nga mao nay mobarog ilis kanamo
