350
— Nga wala ako masayod, kayamat!
— Dili ikaw buang! ... ang mga kawatan daghan pa niana...
— Tsoy! kini gayong manunupsop sa tinta ...
Maayo ang ilang pagkalalis. Ang tinguha gayod ni Ben Zayb mao ang dili paglugak sa sinulat, paghatag pahiangay sa nahitabo aron musampot sa tinguha sa iyang ginamaymay.
Giputol ang panaglalis sa usa ka hungihong nga hindunggan, nga ang mga kawatan nga hindakpan nanaghimog panugid nga hinungdanon. Usa sa mga tulisan ni MatanglaWin (Kabesang Tales) gipanghimangno sila aron makigtipon sa iyang hinanib didto sa Santa Mesa, aron pagpanulis sa mga kombento ug sa mga balay sa mga sapian... Maoy motultol kanila ang usa ka katsila nga hataas ug barog, tabunon, maputi ang iyang mga buhok, nga nagsulti nga siya sinugo sa Heneral, nga iyang higala kaayo; iya pa gayong gipasalig nga ang artilyeriya ug ubang mga rehimyento mutipon usab kanila, ug nga tungod niini dili sila angayng mangalisang. Ang tanang mga tulisan pangindultohan, ug ang ikatulo ka bahin sa mga butang nga matulis ihatag kanila. Ang sinyas mao untay usa ka buto sa kanyon, ug nga ila kining gihulat sa wa silay nakuha, ang mga tulisan nanagtoo nga sila lamang gibinuangan, ang uban namauli, ang uban namalik sa mga bukid nga ilang gipuy-an uban ang saad nga ila gayong panimaslan ang katsila nga sa makaduha na nagbinuang kanila sa wa pagtuman sa iyang gisaad. Kadto hinoong mga kawatan nga hindakpan nga gipamuhian, mipadayon gayod sa ilang tinguha sa pagdasdas ug maoy ilang gitumong ang ilang natulis sa katsila nga may mga buhok nga maputi, kon ugaling kini man mangayo sa iyang bahin.
Nanagkahiatol ang mga senyas sa kang Simoun, mao nga ang gipanugid sa kawatan wala tuho-i ug tungod niini ang tulisan gisakit sa tanang paagi sa pagsakit, hangtud nga siya gipakurog pinaagi sa makina sa elektrisidad gumikan niadtong dako niyang huwab. Kapin pa, ang balita sa pagkawagtang sa Maghihiyas maoy nahimong sumsuman sa mga tawo sa Eskolta, ug tungod kay hipalgan man ang pipila ka mga sako sa polbora ug daghan kaayong mga bala sa iyang balay, ang ginasugid ingon sa ginatuhoan ug ang kangitngit nagsu-
